Koeman tregon se çfarë duhet të bëjë Barcelona për të ndryshuar sezonin

Ronald Koeman beson se ai ende ka mbështetjen e skuadrës së Barcelonës, të cilës ai i ka bërë thirrje të punojë shumë dhe të përmirësojë nivelet e tyre të përqendrimit në mënyrë që të shpëtojnë sezonin e tyre.

Ka qenë një javë e keqe për katalunasit, pasi ata vazhduan rënien e ritmit në La Liga me humbjen në Cadiz dhe humbën vendin e parë në grupet e Ligës së Kampionëve pasi u mposhtën 3-0 në shtëpi nga Juventusi.

Ekipi i Koeman mirëpresin Levanten në Camp Nou të dielën dhe trajneri holandez dëshiron të shohë një përgjigje nga lojtarët e tij.

Lexo po ashtu Koeman thyen rekordin negativ të Rijkaardit për fillimin më të keq të sezonit, Martino më i miri

“Ne duhet të përmirësojmë përqendrimin dhe të mbrohemi me më shumë intensitet”, ka thënë fillimisht Koeman për gazetën katalunase Sport.

“Unë nuk jam duke folur për sistemin. Ne pësuam 11 gola dhe ato janë penallti, gabime, gabime individuale”.

“Ne jemi skuadra që kemi krijuar më shumë mundësi në kampionat dhe kjo falë sistemit. Kemi lojtarë si Messi, Pedri dhe Griezmann. Ata kanë nevojë për hapësirë ​​dhe liri. Dhe ne kërkojmë më të mirën për këta lojtarë me këtë sistem”.

Lexo po ashtu Koeman pret dy blerje në janar, prioritet Depay e Garcia

“Jemi në një moment të vështirë në klub, jo vetëm në nivelin sportiv. Ka edhe shumë gjëra të tjera. Ne kërkojmë më të mirën në çdo mënyrë”.

“Unë e shoh skuadrën që është e etur dhe dëshiron të përmirësohet. Ata e dinë se ku duhet të shkojmë. Ju nuk mund të ndryshoni për dy ditë, duhet të punoni për t’u përmirësuar”, përfundoi holandezi. /Telegrafi/