Koeman përballet me një dënim të madh në La Liga, shkaku i kritikave ndaj VAR-it

Trajneri i Barcelonës, Ronald Koeman përballet me një ndalim me katër ndeshje në La Liga pas komenteve në lidhje me përdorimin e VAR-it.

Komentet e holandezit erdhën pas humbjes së Barcas 3-1 në El Clasico kundër Real Madridit muajin e kaluar, në të cilën ai vuri në pikëpyetje publikisht neutralitetin e vendimmarrjes duke përdorur sistemin VAR.

Detajet janë përshkruar në gazetën Marca dhe raportojnë se si Koeman mund të sanksionohet me një ndalim me katër ndeshje në kampionat pas vënies në pikëpyetje të zbatimin e sistemit, duke besuar se ishte i padrejtë ndaj ekipit të tij.

Lexo po ashtu Koeman: Penalltia nuk ishte, VAR-i asnjëherë në favorin tonë

“Në të gjitha ndeshjet që kemi pasur, VAR-i ka ardhur vetëm kundër Barcelonës, por asnjëherë në favorin tonë”.

“VAR-i gjithashtu e bëri këtë në ndeshjet kundër Getafe dhe Sevilla”, iu kishte thënë Koeman gazetarëve pas ndeshjes.

Sidoqoftë, mund të jetë e mundur që holandezi të shpëtojë nga ndëshkimi sepse komentet e tij duket se i referohen vetëm sistemit VAR dhe jo ndonjë zyrtari individual.

Skuadra e Koeman është pa fitore në katër ndeshje të kampionatit dhe ka mbledhur vetëm tetë pikë nga gjashtë ndeshjet e tyre të para. /Telegrafi/