Klubi serb largohet nga ENBL, nuk dëshiron të ndeshet me Sigal Prishtinën

Një anëtar i Ligës së Basketbollit të Serbisë, Dunav, dëshironte të debutonte në garat evropiane këtë sezon, për të luajtur në Ligën e Basketbollit (ENBL).

Në këtë ligë marrin pjesë 16 ekipe nga Republika Çeke, Lituania, Izraeli, Letonia, Estonia, Polonia, Ukraina dhe Kosova.

Madje gjithçka është rënë dakord me garën, e cila në faqen e saj e ka mirëpritur klubin serb Dunav  Stari Banovci, por duket se klubi serb i ka rënë pishman.

Arsyeja është se në këtë ligë do të luajë edhe klubi nga Republika e Kosovës, Sigal Prishtina.

Këtë gjë e ka zbuluar mediumi “Mozzart Sport”, duke shkruar se nëse Duvan do të merrte pjesë do të thyente rregullat dhe ligjet jo vetëm të Federatës, por edhe shtetit.

“Anëtari i ligës së basketbollit të Serbisë, Dunav, ka pasur dëshirë që këtë sezon të debutojë në gara evropiane, të luajë në ENBL, që mbledh 16 ekipe nga Çekia, Lituania, Izraeli, Letonia, Estonia, Polonia, Ukraina dhe Kosova. Ishte arritur marrëveshja për të gjitha. Por, nga kjo nuk ka asgjë. Arsyeja? Nëse Dunav do të luante, pasi grupet janë përcaktuar tashmë, në njërin prej grupeve do të ishte kjo skuadër me Sigal Prishtinën dhe do të duhej të luanin mes vete. Kjo do të ishte në kundërshtim me rregullat dhe ligjet jo vetëm të Federatës së Basketbollit të Serbisë, por edhe të shtetit”, shkruar Mozzart Sport.

Ligën e Basketbollit (ENBL) ende nuk ka njoftuar për largimin e klubit serb nga garat. /Telegrafi/