Klopp zbulon lojtarin më të mirë që e ka ‘transferuar’ te Liverpooli

Jurgen Klopp ka krijuar një skuadër të jashtëzakonshme si menaxher i Liverpoolit, duke përmirësuar lojtarët dhe duke nënshkruar disa shumë të mirë, dhe ai ka bërë një zgjedhje surprizë për ‘nënshkrimin’ e tij më të mirë.

Trajneri gjerman e ka çuar skuadrën e tij afër fitimit të titullit të Ligës Premier pas 30 viteve, një titull që ata do ta kishin përfunduar deri tani, nëse nuk do të ishte pezulluar shkaku i pandemisë së coronavirusit.

Klopp ka kaluar vitet e fundit duke ndërtuar një ekip të shkëlqyeshëm dhe ka bërë disa nënshkrime të shkëlqyera, madje edhe ato që kanë thyer rekorde botërore si Alisson dhe Virgil van Dijk.

Lexo po ashtu Messi lavdëron yjet e Liverpoolit – zgjedh fjalët më të mira për Salah, Mane, Van Dijk, Alisson dhe Alexander-Arnold

Megjithatë, i pyetur nga Pure Football Podcast, se cili ishte nënshkrimi më i miri, ai ka zbuluar se është një lojtar që tashmë ishte në klub, Trent Alexander-Arnold.

“Është Trent. Ne nuk kishim nevojë ta blinim atë, por ndihmësi im Pep Lijnders e solli atë dhe tha: Ai luajti rolin e numrit 6 për mua. Luajti në dy krahët e mbrojtjes, luajti në të djathtë dhe në të majtë të sulmit”, ka thënë fillimisht Klopp.

“Pastaj ai erdhi dhe kishte vetëm një problem: Trent nuk ishte aq i përshtatshëm. Por, ai ishte një fëmijë, kështu që ai nuk ishte mjaft i përshtatshëm, por ne pamë menjëherë, mençurinë e tij për futbollin”.

“Por, pastaj ai bëri hapa vetë që ishin vërtet të pabesueshëm dhe që ishte vërtet e këndshme për tu parë. Pastaj ai bëri gabime dhe nuk hoqi dorë”, përfundoi gjermani.

21-vjeçari bëri debutimin e tij në vitin 2016, në një ndeshje në Kupën e Ligës kundër Spurs, ndërsa në Ligën Premier vetëm disa muaj më vonë në një ndeshje kundër Manchester Unitedit.

Lexo po ashtu Ferdinand lavdëron Alexander-Arnoldin: Më i miri që nga koha e Cafus

Ai ka vazhduar të luajë 125 herë tashmë për Reds dhe është bërë një pjesë integrale e mënyrës se si luan skuadra e Klopp.

Këtë sezon Alexander-Arnold ka 12 asistime, duke e vendosur atë të dytin vetëm katër asistime pas Kevin de Bruyne të Manchester Cityt. /Telegrafi/