Jurgen Klopp ka thënë se Liverpooli është i interesuar për lojtar si Kylian Mbappe, por nuk mund të futet në këtë garë.
Real Madridi dhe Paris Saint-Germain po tentojnë të bindin sulmuesin që të jetë në radhët e tyre, madje duke e bërë atë lojtarin më të paguar të sportit më të ndjekur në botëe.
Por, trajneri i The Reds ka bërë të ditur se përkundër dëshirës së tyre për ta transferuar 23-vjeçarin, ata nuk mund të garojnë me skuadra që natyrisht se qëndrojnë më mirë financiarisht.
"Sigurisht që jemi të interesuar për Kylian Mbappe, nuk jemi të verbër”, ka deklaruar fillimisht Klopp.
“Por, ne nuk jemi pjesë e kësaj gare “Mbappe”… ne nuk mund të jemi pjesë e këtyre betejave”.
“Duhet të ketë edhe klube të tjera të përfshira, por kjo është mirë, gjithçka është mirë me Kylian”, shtoi ai.
Mbappe pritet të fitojë rreth 100 milionë euro në sezon (bonuse, imazh marketingu) tek secila skuadër që vendosë të luajë në sezonin e ri. /Telegrafi/
