Klopp: Liverpooli nuk do të nënshkruajë me lojtarë të pa vaksinuar

Trajneri i Liverpoolit, Jurgen Klopp, ka zbuluar se ai është i gatshëm t’u kthejë shpinën nënshkrimeve të mundshme nëse ata nuk janë të vaksinuar kundër Covid-19.

Coronavirusi i njohur si Covid-19 vazhdon të mbretëroj në gjithë botën dhe infektimet po vazhdojnë të jenë ende aktive.

Edhe futbolli është i prekur shumë nga ky infeksion dhe tashmë klubet kanë përpiluar rregulla për të shmangur infektimin e lojtarëve dhe tifozëve.

Lexo po ashtu Klopp bën thirrje kundër shtyrjes së ndeshjeve në Ligën Premier

Gjermani i Liverpoolit, Klopp tashmë ka folur në lidhje me Covid-19, të cilin e ka lidh me transferimet e reja të Reds.

“E mora këtë pyetje në konferencën e fundit për shtyp dhe nuk e mendova, për të qenë i sinqertë”, ka thënë fillimisht Klopp për gazetarët, ku u pyet në lidhje me vaksinimin e lojtarëve.

Lexo po ashtu Tifozët e futbollit do të detyrohen të tregojnë pasaportat e vaksinimit për të hyrë në stadiume nga kjo fundjavë

“Ndoshta ishte faji im, sepse ne nuk jemi afër nënshkrimit të një lojtari!. Por, që atëherë kam menduar për këtë dhe po, do të jetë me ndikim. Patjetër…”.

“Nëse duhet të bëjmë të gjitha këto lloj gjërash, si ndërtimi i një ndërtese shtesë për lojtarët e pa vaksinuar… nuk do të ndodhë”, përfundoi gjermani. /Telegrafi/