Klopp me ide që vështirë realizohet për gabimet e VAR-it në ndeshjen mes Tottenhamit dhe Liverpoolit

Jurgen Klopp ka bërë thirrje që ndeshja Tottenham-Liverpool të riluhet pas gabimeve trashanike të VAR-it.

Reds iu mohua një gol pasi zyrtarët e VAR-it nuk i thanë gjyqtarit Simon Hooper të anulonte vendimin për të golin e Luis Diaz për pozicion jashtë loje.

Që atëherë, PGMOL ka kërkuar falje për gabimin dhe ka lëshuar audio duke detajuar se çfarë shkoi keq në Stockley Park.

Lexo po ashtu Publikohet biseda nga dhoma e VAR-it në vendimin skandaloz që e dëmtoi Liverpoolin

Klopp u ndje i mërzitur për një sërë vendimesh pas ndeshjes, të cilat ai i përshkroi si më të padrejtat ku ai ka qenë pjesë e ndonjëherë.

“Audioja nuk e ndryshoi fare. Nuk më interesonte pse ndodhën gjërat. Pashë rezultatin, pashë një gol, shënuam”, ka thënë gjermani.

“Është e rëndësishme që ne të merremi me të vërtetë në mënyrën e duhur. Dua të them të gjithë njerëzit e përfshirë, arbitri, gjyqtari anësor, gjyqtari i katërt dhe VAR – ata nuk e bënë atë me qëllim. Po, ishte një gabim, një gabim i dukshëm”.

Lexo po ashtu Liverpooli me reagim goditës për federatën e gjyqtarëve anglezë në gabimin ndaj Tottenhamit

“Unë e them këtë jo si trajner i Liverpoolit, por si një person futbolli – mendoj se i vetmi rezultat duhet të jetë një përsëritje. Ndoshta nuk do të ndodhë”, ka shtuar më tej Klopp.

Disa tifozë kanë kërkuar gjithashtu që ndeshja të riluhet duke pasur parasysh madhësinë e gabimit të VAR. /Telegrafi/