Klopp deshi ta zëvendësonte Salahun me njërin nga dështimet më të mëdha të Ligës Premier

Jurgen Klopp kishte identifikuar njërin prej lojtarëve që dështoi në Ligën Premier për të zëvendësuar Mohamed Salah. 

Salah ka qenë njëri ndër lojtarët më të rëndësishëm të Liverpoolit që prej se nënshkroi për ta në verën e vitit 2017. 

Këtë sezon, ai ka realizuar 30 gola në të gjitha garat dhe është rrugës për të shijuar njërin prej sezoneve më të mira në karrierën e tij. 

Por egjiptiani mund të largohet nga ‘Anfield’ këtë verë, pasi kontrata e tij aktuale pritet të skadojë në fund të sezonit. 

Lexo po ashtu Salah kurrë më emocionues për largimin nga Liverpooli: Dua të kujtojnë se i dhashë të gjitha

Sipas një raportimi nga The Times, kishte disa raste kur u hapën negociatat me Salah dhe agjentin e tij Ramy Abbas, por nuk u arrit asnjëherë një marrëveshje. 

Gjatë kohës sa Klopp ka qenë në krye të Liverpoolit, ai e kishte diskutuar mundësinë e transferimit të Antony si zëvendësues i Salah, mes pasigurisë që ishte krijuar për të ardhmen e tij. 

Antony eventualisht u transferua në Ligën Premier për 82 milionë euro tek Manchester United në verën e vitit 2022. 

Sidoqoftë, ai dështoi që ta dëshmonte vlerën e madhe të çmimit të tij, pasi ka shënuar vetëm pesë gola në 62 ndeshje të luajtura në ‘Old Trafford’. 

Është lënë të kuptohet më pas se Mike Gordon, presidenti i Fenway Sports Group, vendosi që rinovimi i kontratës së Salah është vendimi më i mirë i mundshëm./Telegrafi/