Kjo veshje e Kate Middleton rikthen stilin e princeshës Diana

Edhe pse adhuruese e nuancave neutrale dhe tokësore, gardërobës së Kate Middleton nuk i mungojnë nuancat e theksuara

Kate Middleton, ishte mahnitëse me një fustan ngjyrë të gjelbër të ndezur dhe një nga bizhuteritë ikonike të Princeshës Diana, teksa mbërriti me Princin William në ceremoninë e çmimit Earthshot 2022 në Boston.

E veshur me një fustan Solace London “Sabina” me mëngë të gjata (525 dollarë) të huazuar nga platforma e marrjes me qira Hurr, Kate përputhej me tapetin e gjelbër të eventit, dhe ndërsa ajo dhe bashkëshorti i saj mbërritën, u brohoritën nga një turmë e madhe fansash të mbledhur jashtë MGM Music Hall.

Flokët e saj ishin stiluar me onde të buta dhe kishte vendosur një palë vathë me shkëlqim verbues dhe një bizhuteri të njohur mbretërore: gjerdanin me smerald dhe diamant që Princesha Diana e vishte shpesh.

Ky gjerdan nuk është shfaqur për herë të parë tek Diana. Ai iu prezantua mbretëreshës Mary gjatë Delhi Durbar në 1911.

Së bashku me veshjen e një prej gjerdanëve të famshëm të Princeshës Diana, Kate dukej se kanalizonte edhe gjithë stilin e vjehrrës së saj.

Veshja të kujton një fustan jeshil të ndezur që Diana kishte veshur së bashku me gjerdanin gjatë një vizite shtetërore në Malajzi në 1993.

Princesha iu përmbajt kodit të qëndrueshëm të veshjes, për ta marrë me qira veshjen e eventit, ku morën pjesë të ftuar si David Beckham, Billie Eilish, Chloe x Halle, Rami Malek dhe Annie. Lennox.

Çmimi mjedisor, i krijuar nga Princi i Uellsit, erdhi në Boston këtë vit, me 1 milion £ (1.2 milion dollarë) të dhëna për krijuesit e ndryshimeve mjedisore në kategoritë e ajrit të pastër, ndryshimit të klimës, mbrojtjes së natyrës, ‘ringjalljes’ së oqeanit dhe eliminimit të mbetjeve.