Kjo është kolegia me të cilën Pitt e ka tradhtuar Angelinan? (Foto)

Martesa e yjeve më të famshëm hollivudianë, Brad Pitt dhe Angelina Jolie, mund të jetë në krizë, kjo për faktin se aktori thuhet se e ka tradhtuar bashkëshorten me një aktore tjetër.

Këto janë thashethemet që kanë lidhur së fundmi: 52 vjeçari ka filluar të afrohet së bashku me Marion Cotillard gjatë filmimit të “Five Seconds of Silence”në Angli dhe mes tyre mund të ketë pasur edhe marrëdhënie intime.

Bëhet e ditur që, pavarësisht se Pitt është i martuar me njërën prej grave më të bukura të botës, ai prapë nuk ka arritur që t’i rezistojë bukurisë së koleges së tij.

“Padyshim që diçka ka lindur në mes të Brad dhe Marion. Ka një kimi në mes tyre dhe shumë kolegë të tyre besojnë, se ata kanë diçka”, ka thënë një burim i Star, transmeton syri.net.

Kjo gjë mund të sjellë shumë telashe mes çiftit, që në botën e shoubizit njihen si Brangelina.

Por kjo është karma, pasi në kohën kur Brad Pitt ishte ende i martuar me Jennifer Aniston, kishte filluar lidhjen me Angelina Jolie në setin e xhirimit të “Mr and Mrs Smith”, e siç duket tani historia po përsëritet.