Kinezët kanë ardhur deri te një zbulim, personat me grupin A të gjakut janë më të ekspozuar nga coronavirusi – ata me 0 shumë më rezistent  

Personat me grupin e gjakut A (II) janë më të ekspozuarit ndaj coronavirusit, derisa ata me grupin zero më pak të rrezikuar, kështu të paktën është nxjerrë konstatimi i një grupi hulumtuesish kinezë të cilët punën e tyre e publikuan në ueb-faqen medRxiv.

Shkencëtarët kinezë kanë analizuar të dhënat e 2 mijë pacientëve nga spitalet e Wuhanit në Shenzhen, përfshirë edhe më shumë se 200 tjerëve që kanë ndërruar jetë, transmeton Telegrafi.

Sipas të dhënave të tyre, në mesin e banorëve të Wuhanit, 34 për qind kishin grupin e gjakut 0, 32 me grupin A (II), 25 për qind me B (II) dhe 9 për qind me AB (IV).

Lexo po ashtu Në Wuhan vetëm një person është infektuar me coronavirus gjatë 24 orëve të fundit

Për të ardhur deri te këto të dhëna, shkencëtarët kanë analizuar gjakun e 3.700 banorëve të Wuhanit që nuk janë infektuar me coronavirus.

Në anën tjetër, numri më i madh i banorëve të infektuar me coronavirus në Wuhan, ishin ata me grupin e gjakut A me një total prej 38 për qind, derisa 26.4 me grupin B, 25.8 me zero. Numri më i vogël i pacientëve ishin ato me grupin e gjakut AB – më saktësisht 10 përqind.

Sipas kësaj, thuhet në hulumtim se personat më të rrezikuar janë ata me grupin e gjakut A, derisa ata me zero janë më së paku të rrezikuar nga virusi COVID-19.

E për të qenë të sigurtë në teorinë e tyre, ata kanë bërë hulumtime në të paktën 398 pacientë shtesë nga Wuhani dhe Shenzhen, dhe në fund kanë marrë po të njëjtën rezultat. /Telegrafi/