Kim i Koresë së Veriut duket se ka rënë shumë në peshë, duke shkaktuar spekulime rreth shëndetit të tij

Shëndeti i udhëheqësit të Koresë së Veriut, Kim Jong Un, ka qenë prej kohësh një “burim i spekulimeve” në Korenë e Jugut rivale, e cila qëndron në hijen e ushtrisë 1,2 milionëshe të Kim dhe arsenalit të tij në rritje të raketave të armatosura bërthamore.

A ka shtuar edhe më shumë peshë? A po lufton për frymëmarrje pas ecjeve relativisht të shkurtra? Pse e humbi atë përvjetor të rëndësishëm të shtetit?

Dhe tani, për 37-vjeçarin përsëri ka spekulime të reja në Jug për shëndetin e tij.

Por këtë herë, është sepse ai është dukshëm më i hollë, shkruajnë mediat e huaja, përcjell Telegrafi.

Sipas AP, çështjet shëndetësore të Kim në Seul, Uashington, Tokio dhe kryeqytete të tjera botërore diskutohen edhe për faktin se ai nuk ka përmendur publikisht një pasardhës i cili do të kontrollonte një program bërthamor që përparon duke synuar Shtetet e Bashkuara dhe aleatët e tij – nëse ai është i paaftë.

Koreja e Veriut, asnjëherë e hapur rreth çështjet e brendshme të udhëheqjes së saj, gjatë vitit të fundit ka mbyllur veten edhe më fort – edhe për tu mbrojtur nga pandemia e coronavirusit.

Ndërkohë, siç vë në pah AP, në imazhet e fundit të mediave shtetërore, përfshirë ato të publikuara të mërkurën, Kim duket se ka humbur një sasi të madhe të peshës.

Rripi në orën e tij të zbukuruar është “më i ngushtuar” dhe fytyra e tij është më e hollë.

Disa vëzhgues thonë se Kim – i cili është i gjatë rreth 170 centimetra dhe më parë ka peshuar 140 kilogramë – mund të ketë humbur rreth 10-20 kilogramë.

Sidoqoftë, humbja e dukshme e peshës së Kim është më shumë e mundshme një përpjekje për të përmirësuar shëndetin e tij, sesa një shenjë e sëmundjes, sipas Hong Min, një analist i vjetër në Seul’s Korea Institute for Unification National.

“Nëse ai do të përjetonte probleme shëndetësore, ai nuk do të kishte dalë në publik për të thirrur mbledhjen plenare të Komitetit Qendror të Partisë së Punëtorëve”, një konferencë e madhe politike këtë javë që pritet të zgjasë dy deri në tre ditë, tha Hong. /Telegrafi/