Khloe Kardashian ka folur hapur për vështirësitë me të cilat është përballur gjatë viteve të para të famës.
Në podcast-in e saj “Khloe in Wonderland”, 40-vjeçarja rrëfeu se, kur ishte 21-22 vjeç, shpesh përballej me pyetje të papërshtatshme dhe pushtuese, shpesh me natyrë seksuale, të cilat e bënin të ndihej në siklet.
Tani, si një grua më e pjekur dhe nënë e dy fëmijëve, ajo thekson rëndësinë e vendosjes së kufijve, shkruan DailyMail.
“Sa më shumë rritesh, aq më shumë mençuri fiton dhe vendos kufij për veten”, u shpreh Khloe.
Përveç pyetjeve ndërhyrëse, ajo është përballur edhe me spekulime të vazhdueshme rreth pamjes së saj fizike. Khloe ka mohuar operacionet plastike, duke theksuar se transformimi i saj është rezultat i një stili jetese më të shëndetshëm dhe i një përkushtimi ndaj palestrës.
Megjithatë, ajo ka pranuar presionin e madh që vjen nga të qenit personazh publik, duke u përballur shpesh me krahasime të padrejta me motrat e saj, Kim dhe Kourtney.
Pavarësisht kritikave dhe komenteve të ashpra, Khloe thekson se ka mësuar të pranojë dhe të mbrojë veten, duke i dhënë përparësi mirëqenies së saj fizike dhe emocionale. /Telegrafi/
