Khabib nuk dukej i penduar para bashkëkombësve të tij: Nuk mund ta mbyllësh një shqiponjë në kafaz

Khabib Nurmagomedov e mposhti Conor McGregorin në raundin e katërt në kuadër të ‘UFC 229’ në garën për titullin në kategorinë e peshave të lehta, ndërsa më pas shpërthyen incidentet.

Në fund të meçit, luftëtari nga Dagestani doli nga tetëkëndëshi për të sulmuar një prej pjesëtarëve të ekipit të irlandezit. Nga ana tjetër, McGregor u sulmua nga anëtarët e stafit të Nurmagomedov duke pësuar disa lëndime.

Këto veprime mund t’i kushtojnë Khabibit me një gjobë të madhe në para dhe me suspendim afatgjatë.

Lexo po ashtu Lajmet për Khabib

Në konferencën për shtyp pas incidenteve, Nurmagomedov kërkoi falje për veprimet e tij, mirëpo në kthimin e tij në shtëpi, duke folur para stadiumit të mbushur Anzhi Arena në Dagestan, ai ka lënë të kuptohet se nuk i vjen vërtet keq për atë që ndodhi.

According to witnesses, a member of Conor McGregor's camp called Khabib a "f*cking Muslim rat" which ignited the post-fight brawl at UFC 229: https://t.co/LTW5yx78ft pic.twitter.com/xde9UUNX3G

— Complex (@Complex) October 10, 2018

“I jam lutur Zotit për një gjë, të më lënë vetëm në kafaz me këtë kloun. E kam kërkuar çdo ditë këtë. Jam lutur që të mos kemi lëndime, të arrinim peshën dhe në fund të mbylleshim në atë kafaz”.

“Sepse shumëçka ishte thënë jashtë atij kafazi, ndërsa unë kam thënë se porsa të mbyllet dera e tetëkëndëshit, nuk do të mbaj përgjegjësi për veprimet e mia”, citon RT fjalët e Khabibit.

Another angle of Khabib and McGregor brawl. #UFC229 pic.twitter.com/2HzWItBw42

— Nick Hammond (@NickHammer0) October 7, 2018

I lirë nga ndjenja e pendimit dhe duke folur para bashkëkombësve të tij, dukej qartë se 30-vjeçari nuk është i gatshëm t’ia falë McGregorit ofendimet për popullin e tij, ndërsa mendon se dalja nga tetëkëndëshi ishte e arsyeshme.

Lexo po ashtu Lajmet për McGregor

“Gjëja e parë që desha t’ia tregoja është dallimi ndërmjet popullit tonë dhe popullit të tij. Ne e dimë historinë tonë, paraardhësit tanë dhe nëpër çfarë ka kaluar populli jonë. Asgjë nuk mund të na thyejë”.

https://twitter.com/DenisGeykoRT/status/1049416132078313472

“Dhe për atë që ndodhi më pas, disa thonë se kam gabuar, të tjerët thonë se e kam bërë gjënë e duhur. Nuk mund ta mbyllësh një shqiponjë në kafaz. Dhe ua tregova këtë”, ka deklaruar Nurmagomedov. /Telegrafi/

https://twitter.com/kamilk32/status/1049378575290441728