Këto rroba nuk duhet t’i lani asnjëherë në rrobalarëse

Ka disa veshje që nuk duhet t’i vendosni asnjëherë në rrobalarëse, sepse vetëm do t’i dëmtoni

Sutjenat janë të parat, sepse telat mund të dëmtojnë kazanin dhe kapëset mund të grisin rrobat që lahen së bashku me to. Gjithashtu mund të dëmtohet edhe vetë sytjenat, ndaj është më mirë ta lani me dorë.

Ju nuk duhet t’i lani as kravatat në rrobalarëse, sepse shumica e tyre janë prej materialesh të ndjeshme, kështu që mund të humbasin formën e tyre ose të njollosin rrobat e tjera gjatë një larjeje të shpejtë.

Mbërtheni pantallonat, këmishët dhe të gjitha veshjet e tjera me zinxhirë dhe kopsa përpara se t’i vendosni në rrobalarëse, pasi ato mund të ngecin në rrobalarëse dhe të dëmtojnë rrobat gjatë larjes, transmeton Telegrafi.

Ndërsa rrobat me pjesë dekorative si xhinglat, perlat dhe gurët, mos i lani në rrobalarëse, por me dorë për të mos bllokuar apo dëmtuar lavatriçen.

Shumica e artikujve mëndafshi kërkojnë pastrim kimik ose larje të butë të duarve për shkak të temperaturave të larta dhe një centrifuge që mund të shkatërrojë pëlhurën e ndjeshme. Rrobat e mëndafshta mund të grisen ose të humbasin formën në rrobalarëse, ndaj është më mirë t’i lani me dorë.

Lexo po ashtu Rrobat të cilat assesi nuk do të duhej t’i lani në rrobalarëse

Ka edhe çanta rrobash që janë të ndjeshme ndaj larjes në makinë, por përpara se të vendosni sytjena ose bluzën tuaj të preferuar, kontrolloni deklaratën se mbron të gjitha pëlhurat ose konsultohuni me një ekspert. /Telegrafi/