Kështu dukej fytyra e Shkodran Mustafit nga ndërhyrja e Jamie Vardyt – VAR nuk dha as karton të verdhë për anglezin

Shkodran Mustafi e ka pësuar shumë keq në barazimin 1-1 të Arsenalit ndaj Leicester Cityt në kuadër të javës së 34-të.

Mbrojtësi shqiptar bëri disa ndërhyrje vendimtare në takimin e së martës mbrëma, mirëpo në njërin nga ata e pësoi keq në fytyrë.

Kur The Gunners po fitonin 1-0 në Emirates, Jamie Vardy kishte shansin që t’i barazonte shifrat në 1-1, mirëpo Mustafi i largoi topin nga këmba.

https://twitter.com/04tobster007/status/1280618695430230020?ref_src=twsrc%5Etfw%7Ctwcamp%5Etweetembed%7Ctwterm%5E1280618695430230020%7Ctwgr%5E&ref_url=https%3A%2F%2Ftelegrafi.com%2Fgjerat-nuk-duken-mire-per-vardyn-goditja-ndaj-shkodran-mustafit-cilesohet-si-e-qellimshme%2F

Nga ai reagim i mbrojtësit shqiptar, sulmuesi anglez besohet se qëllimisht e goditi atë me atlete në fytyrë.

Më pas, Vardy ia arriti qëllimit që të realizonte golin e barazimit në minutën e 84-të, mirëpo Mustafi mbeti me disa shenja të rënda në fytyrë.

Lexo po ashtu Gjërat nuk duken mirë për Vardyn – goditja ndaj Shkodran Mustafit cilësohet si e qëllimshme

Mikel Arteta reagoi ashpër pas ndeshjes ndaj VAR-it, që nuk dha karton të kuq në anglezin, pasi Eddie Nketiah për një ndërhyrje jo aq serioze, u përjashtua nga takimi në minutën e 75-të.

Arsenali me këtë barazim ka vështirësuar punë për një vend në Ligën e Kampionëve, ndërsa kanë gjasa reale që edhe në edicionin e ri të luajnë në Ligën e Evropës. /Telegrafi/

https://www.instagram.com/p/CCYCnqnJWzf/