Kërkesa për mocion të mosbesimit nga LDK – Mulhaxha-Kollçaku thotë se nuk ka kushte për mbajtje të seancës

Pasi, mocioni për mosbesim ndaj qeverisë Kurti është dërguar në Kuvend nga LDK, ka reaguar deputetja e LVV-së Fatmire Mulhaxha-Kollçaku.

Përmes një shkrimi në Facebook, ka thënë se nuk ka kushte për mbajtje të seancës, aq më pak për debat parlamentar.

Ajo thotë se duhet të pret seanca deri në pezullimin e gjendjen emergjente.

“Shto kësaj rreth 150 komplete uniformash e maskash specifike mbrojtëse, e që sot janë më se të nevojshme për punëtorët shëndetësorë. Mirëpo edhe me marrje të të gjitha masave, NUK KA KUSHTE PËR DEBAT! E kemi një Qeveri të përgjegjshme, ta lejojmë të veprojë. Të gjitha të tjerat mund të presin deri në pezullimin e gjendjes emergjente. Mos po doni me rrëshqit në diktaturë”, ka shkruar ajo.

“Përkundër vendimit të Kryesisë së LDK-së, kryetari Mustafa i ka dhënë një mundësi shtesë Kryeministrit Kurti që të reflektojë sot në heqjen e plotë dhe pa kushte të tarifës si dhe ta kthejë në detyrë ministrin Veliu, me kërkim falje për veprimin e ulët ndaj tij. Por, Kryeministri nuk reflektoi. Prandaj, sot në fund të orarit të punës, LDK ka dorëzuar kërkesën për mocion të mosbesimit me 46 nënshkrime”, thuhet në deklarimin e LDK-së. /Telegrafi/