Kërcënohet për vdekje Bakiu, kandidati i Lëvizjes Besa në Saraj (Video)

Kandidati i Lëvizjes Besa në Saraj të Shkupit, Bashkim Bakiu është kërcënuar me zhdukje nga një sms porosi ku shkruan, ”Z.Bakiu, dhjet vjet i fjeta burg në qoft se ka nevoj edhe 10 vjet do ti flej ty do tzhduk ne qoft prej sonte do kesh aktivitet ti ne qoft se do shkosh neper tubime sonte tpres ne dervend qe ke tubimin” (sic) shkruan ne sms porosinë dërtuar Bakiut.

Ai në një tubim mbrëmë ju është drejtuar qytetarëve të kësaj komune duke ju thënë ”E ka nder shqiptari, që ta ndajë edhe gëzimin edhe hallet, me miqtë dhe përkrahësit. Për shkak se këtu kemi prezent dy hoxhallarë, unë dua publikisht t’i çoj disa mesazhe, shpirtin e jep dhe e merr Zoti. Bashkim Bakiu nuk frikohet nga askush. Bashkim Bakiun dhe kandidaturën për Komunën e Sarajit nuk mund t’i ndalni. E them këtë se para se të vij në këtë tubim më arriti një mesazh, më tha të tërhiqem nga kandidatura. Mua mund të më ekzekutoni por ky popull është shumë më i madh. Unë nuk do të ndalem” tha Bakiu para votuesve. /Telegrafi/