Katie Price zbulon përvojën e saj me Russell Brand pas akuzave seksuale ndaj tij: E vërteta del gjithmonë në fund

Katie Price ka zbuluar përvojën e saj me Russell Brand teksa komediani përballet me një valë akuzash për sulme seksuale.

Në dy javët e fundit Brand është përballur me akuza të rënda nga një sërë femrash.

Ai u akuzua për një përdhunim dhe sulm seksual kur katër gra bënë akuza në programin Dispatches të Sunday Times dhe Channel 4, dhe më pas u shfaqën një mori pretendimesh të tjera ndërsa gratë treguan historitë e tyre në gazeta dhe BBC. Të paktën dhjetë persona kanë bërë pretendime publike deri më tani.

Aktori i humorit, 48 vjeç, i ka mohuar ashpër pretendimet dhe thotë se ka prova për të hedhur poshtë akuzat. Ai i ka quajtur pretendimet një komplot nga ‘mediat kryesore’.

Duke folur për revistën G2 për takimin e saj me yllin Price, 45 vjeç, zbuloi se ajo u takua me Brand disa herë dhe se truproja e saj vazhdoi të punonte për Brand.

Ndërsa mendonte se Brand ishte ‘djalë mjaft i mirë’, ajo kujtoi një incident të tij që ajo nuk e miratoi.

Price zbuloi se ajo dhe komediani kaluan kohë së bashku në Noughties kur ishte me Peter Andre dhe Brand ishte me një të dashur.

“Ne ishim në aeroportin e LAX me të një herë. Ai kishte të dashurën me vete dhe unë me Pete. Ai po përpiqej të tërhiqte stilisten time kur e dashura e tij ishte atje duke qëndruar me të, kështu që për mua kjo thotë shumë. E vërteta del gjithmonë në fund”, tha ajo.

Ndërsa Price mund të mos i kishte aprovuar veprimet e tij në atë kohë, ajo i kërkoi Brandit këshilla për marrëdhëniet kur ata u ribashkuan në Loose Women në 2017.

Brand ishte në shfaqjen e panelit gjatë ditës për të folur për përvojat e tij me varësitë dhe stilin e jetës së tij para atësisë, ndërsa publikonte librin e tij, “Recovery”.

Price më pas i kërkoi atij këshilla për varësinë e pretenduar të bashkëshortit të saj Kieran Hayler ndaj seksit – diçka me të cilën ajo luftoi që kur u martua me të katër vjet më parë.

Ndërsa nuk dihet nëse Price i mori të gjitha këshillat e Brandit, marrëdhënia e saj me Hayler nuk funksionoi dhe çifti u nda një vit më pas.

Komentet e Price vijnë pasi një forcë e dytë policore ka filluar të hetojë pretendimet në lidhje me Brand.

Pasi Scotland Yard nisi një hetim penal, Policia e Thames Valley konfirmoi dje se po hetonte “informacionet në lidhje me akuzat për ngacmim dhe ndjekje” të bëra nga një grua.

Në pretendimin e fundit, Mail ka parë regjistrat e policisë që pretendojnë se gruaja e akuzoi atë si një ‘grabitqar seksual’.

Lexo po ashtu Të gjitha lajmet nga Russell Brand

Ajo jetonte pranë Brandit dhe u miqësua me të në vitin 2015, përpara se të akuzonin njëri-tjetrin për ngacmim.

Policia mësohet se ka shqyrtuar më parë pretendimet e saj dhe i ka hedhur poshtë ato. Tani oficerët po rishqyrtojnë rastin.

Të shtunën, Policia tha se ishte kontaktuar nga gruaja javën e kaluar “me informacione të reja në lidhje me akuzat për ngacmim dhe ndjekje”. /Telegrafi/