LAJMI I FUNDIT:

Katërvjeçarja që e ka 140 koeficientin e inteligjencës, mësoi shkrim-leximin dhe tabelën e shumëzimit pa shkelur në shkollë (Foto)

Katërvjeçarja që e ka 140 koeficientin e inteligjencës, mësoi shkrim-leximin dhe tabelën e shumëzimit pa shkelur në shkollë (Foto)

Një vajzë katërvjeçare është bërë anëtarja e dytë në Britaninë e Madhe që është më e re për nga mosha, që është bërë anëtare e Mensa – duke u konsideruar kështu edhe zyrtarisht gjeni.

Alannah George e cila ka koeficientin e inteligjencës 140, ka arritur të jetë pjesë e një grupi elitar që kanë inteligjencën e jashtëzakonshme, transmeton Telegrafi.


Nxënësja nga Iver, Buckinghamshire, është e “obsesionuar” pas shkronjave dhe numrave dhe pa ndihmën e askujt dhe mësoi të lexojë ende pa shkelur në klasë.

Prindërit e saj thonë se ajo më me dëshirë lexonte alfabetin dhe tabelën e shumëzimit, sesa të këndojë këngë për fëmijë.

Mensa fton t’i bashkohen të gjithë ata persona që kanë inteligjencë mbi mesataren e moshatarëve të tyre, dhe kriteret për t’u pranuar janë shumë strikte.

Mesatarja e koeficientit të inteligjencës të një të rrituri është 100, derisa profesori Stephen Haëking dhe Albert Einstein kishin 160. E Alannah edhe zyrtarisht është bërë anëtarja më e re e Mensa.

Prindërit e saj Nadina, 37-vjeçe, dhe Edmund, 39, fillimisht ishin “frikësuar” nga informacionet e shumta që i kishte vajza e tyre.

“Jam shumë e gëzuar për suksesin e saj. Shpresoj që do të arrijë shumë në jetë. Ajo është shumë e vogël, por bën jetë të një akademiku. U frikësuam disi kur morëm rezultatet e koeficientit të inteligjencës së saj. Qysh si e vogël ka arritur të deshifroj kode të ndryshme”, ka deklaruar e ëma e saj Nadine.

Alannah ka tejkaluar pritjet e të gjithëve qysh kur ishte shumë e vogël, dhe tani ndjek mësimin në shkollën e njëjtë që dikur kishin ndjekur edhe tre nipat e mbesat e mbretëreshës.

Ajo është nxënëse e shkollës prestigjioze St George në Windsor Castle, që dikur i kanë ndjekur mësimet në të princesha Eugenie dhe djali e vajza e Earl i Wessex-it. Muajin e kaluar ajo është testuar nga psikologu Dr Peter Congdon, që tha se Alannah është një “gjeni”.

Alannah ka lindur në gusht të vitit 2014, e fjalët e para i shqiptoi kur ishte vetëm shtatëmuajshe. Sapo kishte mbushur 18-muaj ajo kishte folur pa ndonjë problem, e me të mbushur tri vjet ka arritur të lexojë disa nga paragrafët e librave të saj të preferuar.

E derisa bashkëmoshatarët e saj kohën e lirë e kalojnë duke shikuar filma të animuar, Alannah qëndron pranë kompjuterit duke shikuar emisione të ndryshme që kanë të bëjnë me numrat.

Koeficientin e lartë të inteligjencës së saj e kishte vërejtur edhe e ëma qysh kur ajo ishte vetëm njëvjeçare.

“Ajo ishte gjithmonë e angazhuar, duke tentuar ta mësojë veten të lexojë ende pa i mbushur tre vjet”, ka shtuar e ëma e saj.

Mensa: Klubi më i madh në botë i gjenive

Mensa është themeluar në Angli në vitin 1946 nga Roland Berril dhe Dr Lance Ware.

Ky komunitet i uron mirëseardhje në klubin e tyre personave nga të gjitha profilet, që kanë koeficientin e inteligjencës më të madh sesa bashkëmoshatarët e tyre.

Albert Einstein kishte koeficientin e inteligjencës 160, derisa ish-presidentët Abraham Lincoln, Benjamin Franklin dhe Bill Clinton, konsiderohet me inteligjencë të lartë me 128, 160 dhe 137.

Napoleon Bonaparte e kishte 145 kurse Sigmund Freud, 156.

Personi më i ri që ndonjëherë i është bashkuar Mensas ishte Elise Tan Roberts në vitin 2009, kur asokohe i kishte vetëm 2 vjet e katër muaj. /Telegrafi/

Në trend Botë

Më shumë
Aeroplani luftarak kinez përplaset në një zonë të banuar, piloti katapultohet – publikohen pamjet

Aeroplani luftarak kinez përplaset në një zonë të banuar, piloti katapultohet – publikohen pamjet

Azia
Njihuni me xhaminë e ndërtuar me teknikën

Njihuni me xhaminë e ndërtuar me teknikën "pa gozhdë" në Turqi që qëndron në këmbë prej dy shekujsh

Botë
Më shumë se 30 vende të gatshme për të dërguar trupa në Ukrainë për të siguruar paqen

Më shumë se 30 vende të gatshme për të dërguar trupa në Ukrainë për të siguruar paqen

Botë

"Rusisë nuk mund t'i besohet vërtet", paralajmëron Kaja Kallas përpara bisedës së re Trump-Putin

Evropa
Ukrainasit shkatërrojnë me HIMARS-in amerikan punëtorinë ruse – pamje nga sulmi

Ukrainasit shkatërrojnë me HIMARS-in amerikan punëtorinë ruse – pamje nga sulmi

Evropa

"Na ktheni Statujën e Lirisë", i thotë SHBA-së eurodeputeti francez

Botë
Kalo në kategori