Katër të vdekur si pasojë e stuhive të fuqishme në provincat lindore të Kanadasë

Katër persona kanë vdekur dhe rreth 900,000 shtëpi janë pa energji elektrike pasi stuhitë e forta goditën provincat lindore kanadeze të Ontarios dhe Quebec.

Sipas mediave të huaja, përcjell Telegrafi, policia e Ontarios tha se tre persona vdiqën dhe disa të tjerë u lënduan për shkak të stuhisë së fortë.

Imazhet e postuara në mediat sociale nga e gjithë provinca treguan mbeturina të shpërndara dhe pemë të rrëzuara që dëmtuan shtëpitë dhe makinat.

Një burrë u vra kur një pemë ra në rimorkio ku po qëndronte të shtunën.

Trees being knocked down and cars being pushed over #ONstorm #ottnews @weathernetwork pic.twitter.com/zCP0ljHNhL

— Adam Safaoui (@adam_safaoui) May 21, 2022

Ndërkohë, sipas Policisë Rajonale Peel, një grua rreth të 70-ave u vra pasi u godit nga një pemë në qytetin Brampton.

Stuhia ishte mjaft e fortë që Environment Canada të lëshonte sinjalizime urgjente ndërhyrëse të transmetimit që shkonin në stacione televizive dhe radio dhe telefona celularë.

Kryetari i bashkisë së Otavës Jim Watson tha se stafi “po vlerësonte dëmet dhe kërcënimet në terren”.

Sipas Environment Canada, në qytetin Kitchener, Ontario, u regjistruan erëra deri në 132 km/h, ndërsa në Toronto dhe Otava u vunë re shpërthime të erës deri në 120 km/h.

Autoritetet kanadeze kanë thënë se ndonëse erërat me shpejtësi të tilla nuk janë aq të rralla, stuhia ishte e pazakontë në atë që mbulonte një zonë kaq të madhe gjeografike. /Telegrafi/