Kryetari i Lëvizjes Besa, Bilall Kasami sot me ftesë të Presidentes, Vjosa Osmani mori pjesë në 24-vjetorin e Çlirimit të Kosovës.
"Ndjehem i nderuar që sot me ftesë të presidentes së Kosovës, Vjosa Osmani të shënojmë 24 vjetorin e Çlirimit të Kosovës.
Sot Kosova dhe shqiptarët shënojnë ditën më të lavdishme atë të çlirimit dhe futjes së trupave të NATO-s, të cilët vulosën çlirimin e vendit dhe hapën rrugën drejt krijimit të shtetit të pavarur dhe të lirë të Kosovës që sot bashkë po e shijojmë", shkruan Kasami në profilin e tij në Facebook./Telegrafi/
