Karriera e Agueros mund të përfundojë tani pasi gjendja e zemrës së tij është më e keqe se sa pritej

Disa lajme tronditëse vijnë nga Spanja, me raporte që sugjerojnë se Sergio Aguero mund të mos luajë më futboll pasi u diagnostikua me një sëmundje të zemrës.

Sulmuesi i Barcelonës vuan nga aritmia kardiake – e njohur ndryshe si rrahje e çrregullt e zemrës, dhe u detyrua të largohej nga fusha me vështirësi në frymëmarrje në barazimin 1-1 me Alaves.

“Aguero i është nënshtruar një procesi diagnostikues dhe terapeutik nga Dr Brugada. Ai nuk është i disponueshëm për përzgjedhje dhe gjatë tre muajve të ardhshëm do të vlerësohet efektiviteti i trajtimit për të përcaktuar procesin e rikuperimit të tij”, thuhej në njoftimin e Barcelonës.

Lexo po ashtu Barcelona konfirmon se sa do të mungojë Aguero

Por, mediumi Catalunya Radio raporton se është një shkallë skepticizmi rreth rikuperimit të Agueros dhe ka frikë se mund të mos e shohim më argjentinasin në fushë.

Aguero nuk është i vetmi lojtar i Barcelonës që po lufton me një sëmundje të zemrës, me lojtaren e ekipit të femrave, Caroline Graham Hansen, gjithashtu e detyruar të largohet nga fusha duke u ankuar për dhimbje gjoksi.

Por, gjendja e saj është pak më ndryshe, me 26-vjeçaren që ka një aritmi beninje, që do të thotë se së shpejti mund t’i rikthehet aktivitetit fizik.

Aritmia e Agueros nuk është beninje dhe problemet e zemrës së tij konsiderohen të jenë më komplekse dhe serioze.

Lexo po ashtu Çfarë është aritmia – sëmundja nga e cila Aguero ka vuajtur në moshën 12 vjeçare dhe tash i është kthyer sërish

Asnjë vendim nuk është marrë ende për të ardhmen e Agueros dhe raporti sugjeron se ai do t’i nënshtrohet testeve të stresit për të parë se si do të zhvillohet.

Është një periudhë shqetësuese për 33-vjeçarin, i cili është padyshim një nga sulmuesit më të mirë të brezit të tij. /Telegrafi/

#SergioAguero@aguerosergiokun is reportedly suffering from a cardiac arrhythmia which is not benign and seriously puts his career in risk.https://t.co/ji6lF6ggNt

— Express Sports (@IExpressSports) November 12, 2021

? Sergio Aguero’s football career may be coming to an end after further test show that his heart issues are more complicated than first thought.

? We are all with you @AgueroSergioKun.

? Legend. pic.twitter.com/IXlHuHG4ML

— SPORF (@Sporf) November 12, 2021