Kanë ”paketuar” 30 migrantë në kamion Mercedes, shoferi arratiset

Është arrestuar një person i cili është i dyshuar për transport të paligjshëm të 30 migrantëve që janë zbuluar në një automjet, shoferi i të cilit është arratisur, transmeton Telegrafi Maqedoni.

Policia informon se mbrëmë në ora 11,10, nga ana e zyrtarëve policorë në afërsi të tuneleve në autostradën Demir Kapi – Veles, është vërejtur një automjet transportues i llojit „Mercedes“ i drejtuar nga Lj.M. (23) nga fshati Tanushec – Shkup,  i cili në shenjën e dhënë për ndalim të automjetit ka vazhduar të lëviz dhe pas disa kilometrash e është ndaluar dhe më pas shoferi R.J. (20) nga Shkupi është dhënë në arrati. Nga masat e ndërmarra, Lj.M. është arrestuar, ndërsa R.J. ia ka dalë të ik. Nga kontrolli i automjetit në të cilën në hapësirën për mallra janë gjetur 30 emigrantë nga Afganistani, Iraku dhe Kongo, të cilët janë shoqëruar në stacionin policor – Negotinë. Janë duke u ndërmarrë masa për gjetjen e R.J. dhe zbardhjen e plotë të rastit, njoftojnë nga policia./Telegrafi/