Elita e futbollit vendor rikthehet sot pas pauzës së ndeshjeve ndërkombëtare.
Superliga sjellë tri ndeshje interesante në Pejë, Gjilan e Drenas, ku secila prej skuadrave kërkon pikët e rëndësishme të fazës së dytë kampionale.
Kampioni aktual, Drita, kërkon t’iu kthehet fitoreve pas barazimit me Prishtinën, derisa sot ka përballë Besën në Brestovik të Pejës.
Punë më të vështirë pritet të ketë Gjilani, që është nikoqir i një prej ekipeve me formën më të mirë në Superligë në xhirot e fundit, Drenicës.
Dueli tjetër zhvillohet mes Feronikelit e Arbërisë, ku vendësit duan fitoren e “qetësisë” pas kaosit të krijuar në klub, derisa mysafirët udhëtojnë pas fitores ndaj Besës në shtëpi, që sado pak e ka relaksuar atmosferën në Dobrajë.
Gjyqtar kryesor në Pejë do të jetë Besfort Kasumi, në Gjilan Visar Kastrati ndërsa në Drenas, Tefik Maloku.
Të gjitha ndeshjet fillojnë prej orës 13:00.
IPKO SUPERLIGA – SOT 13:00 Besa – Drita Gjyqtarë: Besfort Kasumi, Meriton Berisha, Alban Ejupi, Genc Nuza.
13:00 Gjilani – Drenica Gjyqtarë: Visar Kastrati, Imran Kabashi, Lumturije Muhadri, Bardh Ajeti.
13:00 Feronikeli – Arbëria Gjyqtarë: Tefik Maloku, Edmond Zeqiri, Fatmir Sekiraqa, Ilir Mehmeti.
/Telegrafi/
