“Kam dëgjuar se Elon Musk ka implantuar një çip tek njeriu” – çfarë tha Putin për titanin e teknologjisë në intervistën me gazetarin amerikan

Presidenti rus Vladimir Putin ka dhënë një intervistë për herë të parë për një gazetar perëndimor, ku foli për shumë çështje, gjithashtu edhe për Inteligjencën Artificiale si dhe për titanin e teknologjisë Elon Musk.

I pyetur nga Tucker Carlson se kur mund të fillojë perandoria e Inteligjencës Artificiale, Putin tha se për t’iu përgjigjur kësaj pyetjeje duhet të jemi ekspertë në numra e mëdhenj, në të dhënat e mëdha dhe për Inteligjencën Artificiale, transmeton Telegrafi.

“Njerëzimi po përballet me kërcënime të shumta, për shkak të studimeve gjenetike tani është e mundur që të krijojmë një super-njeri. Ka raportime se Elon Musk ka implantuar çipin tek truri i një njeriu”, deklaroi Putin, që më pas Carlson e ndërpreu duke i thënë se çfarë mendonte për këtë.

Lexo po ashtu Gjesti i Putinit në intervistë u shikua nga miliona njerëz, çfarë thotë eksperti i gjuhës së trupit për veprimin e tij

“Mendoj, se nuk mund ta ndalim Elon Muskun, ai do të bëjë gjëra për të cilat ai mendon se janë të duhura. Mendoj se është një person i zgjuar, me të vërtetë besoj se është. Kështu që duhet të gjejmë një lloj marrëveshje me të pasi ky proces duhet të formalizohet”. /Telegrafi/