Kajtazi: Grabovci po i dërgon ndërmjetësuesit për ta blerë heshtjen tonë (Video)

Kryeredaktori i Insajderit, Vehbi Kjatazi, në një intervistë për emisionin Info Box të RTV Dukagjinit ka thënë se janë përballur me kërcënime serioze, presion dhe përpjekje për shantazh nga zyrtarë të përshirë në rastin e përgjimeve të publikuara.

Kajtazi tha se kohën e fundit ata kanë marrë oferta për tu takuar Adem Grabovcin, për të arritur një marrëveshje siç e kanë quajtur ndërmjetësuesit e Grabovcit, për të krijuar paqe.

“Po kemi marrë oferta prej njerëzve dhe kërkesa ka qenë për një takim sekret, në të cilin do të merremi vesh dhe siç thotë ai, ndërmjetësi, sekseri, ka ardhur koha me keshirat. Fakti se dikush vjen si ndërmjetës dhe thotë: ‘Ju ka ardhur koha me keshirat’. Kjo i bie se ju ka ardhur koha për të marrë para dhe për ta mbyllur këtë far historie dhe leni njerëzit rehat. Ne nuk kemi kurrfarë konflikti me askënd, por përmbushim misionin tonë si gazetarë”, ka thënë Kajtazi.

Kajtazi, në Info Box ka thënë se këto takimet private, për ta blere heshtjen e tyre janë të pamundura. /RTV Dukagjini/Telegrafi/