Juventusi ka identifikuar dy emra si zëvendësues të mundshëm të Bremer

Juventusi mund ta kthejë fokusin e tyre tek Maxcene Lacroix (Wolfsburg) ose Ousmane Diomande (Sporting Lisbona) nëse Gleison Bremer largohet nga “Zonja e Vjetër” në drejtim të Manchester United këtë verë sipas raportimeve të fundit në Itali.

Juventus mund ta lejojë largimin e Bremer gjatë verës, nëse vjen një ofertë e duhur në drejtim të tyre.

Besohet se ‘Bianconerët’ do të dëgjojnë ofertat këtë verë për të njëjtën shumë që Bremer ka në klauzolën e tij të lirimit e cila do të bëhet aktive në 2025 , pra një shifër prej 65-70 milionë eurosh.

Manchester United është ekipi favorit për të siguruar shërbimet e Bremer gjatë verës, diçka që mund të lejojë Juventusin të riinvestojë në fazën e mbrojtjes.

Lexo po ashtu Për 30 milionë euro, Juventusi mund ta shes talentin e madh – klube me emër e duan

Sipas Calciomercato.com, Juventusi i është bashkuar garës për të nënshkruar me 23-vjeçarin Lacroix nga ekipi gjerman Wolfsburg.

Shumë raportime bëjnë të ditur se Lacroix është bërë gati që të bëjë hapin e madh në karrierë gjatë verës.

Një tjetër opsion i mundshëm për Juventusin është edhe Diomande, ani pse për shërbimet e tij do të duhej të mposhte konkurrencën e disa klubeve të mëdha evropiane.

Siç nënvizon tutje raporti, që të dy, Lacroix dhe Diomande mund të jenë në dispozicion për shumën e 40 milionë eurove./Telegrafi/