Ju njoftojmë me tekstet shkollore të gjuhës angleze nga klasa përgatitore deri në klasën e 12-të

Tekstet shkollore për gjuhën angleze nga shtëpia botuese “Dukagjini” dhe “Pearson Education”, janë të vlerësuara pozitivisht dhe të aprovuara nga MAShTI për përdorimin e tyre në sistemin arsimor të Republikës së Kosovës.

– Janë të përpiluara në përputhje me kriteret dhe standardet për tekstet shkollore të MAShTI-t.

– Tesktet shkollore për gjuhën angleze përmbajnë: librin bazë, fletoren e punës dhe librin e mësuesit/es si dhe materiale shtesë mbështetëse për mësuesit.

– Materialet mbështetëse për mësuesit mund t’i merrni përmes kërkesës me email.

Shtëpia botuese “Dukagjini” është përfaqësuese zyrtare e shtëpisë botuese “Pearson Education”, për tekstet shkollore të gjuhës angleze.

Për klasën përgatitore “Dukagjini” dhe “Pearson” sjellin “My Little Island Pupil’s Book”, që i çon nxënësit parashkollorë në një aventurë emocionuese në ishull, me personazhe të moshës së tyre, në një program unik dhe tërheqës që e bën mësimin e anglishtes më argëtues.

Për klasat 1, 2, 3 “Dukagjini” dhe “Pearson” sjellin “Yazoo”, që është një program mësimor shumë interesant me pesë nivele për nxënësit. Fëmijët do të takojnë kafshët e dashura “Yazoo” dhe do të ndajnë aventurën e tyre në çdo nivel të mësimit. Tekstet shkollore të gjuhës angleze “Yazoo” nxisin nxënësit për mësim, përmes një sërë aktivitetesh, këngësh dhe lojërash, ndërsa vijon mësimi anglisht. Një planprogram i strukturuar gramatikor, i kombinuar me komunikim të qartë dhe zhvillim të aftësive, u jep nxënësve gjithçka që u nevojitet për të pasur sukses.

Për klasat 4, 5, 6 “Dukagjini” dhe “Pearson” sjellin “Today”, që mbështet individë dhe grupe nxënësish me përmbajtje fleksibile të përshtatshme për klasa me aftësi të ndryshme.

“Today” i fuqizon mësuesit, që të formojnë të nxënët rreth nevojave të nxënësve me vështirësi të vlerësuara, aktivitete opsionale dhe materiale shtesë për nxënësit me disleksi. Po ashtu, animacione argëtuese gramatikore, për aftësimin e nxënësve për lexim, shkrim, të folur dhe dëgjim. Përmbajtja e pasur me imazhe i vë nxënësit përballë situatave të jetës reale, duke i ndihmuar të zhvillojnë aftësi efikase të komunikimit për t’i shfrytëzuar në jetën e përditshme.

Për klasat 7, 8, 9 “Dukagjini” dhe “Pearson” sjellin “Wider World”, që është bashkëpunim i Pearson dhe BBC, për të zhvilluar një program të ri për nxënësit. “Wider World” siguron që nxënësit të zhvillojnë aftësi si: komunikimi, puna në grup dhe ndërgjegjësimi kulturor. Kjo arrihet përmes mësimeve mbi tema kulturore, projekteve ndërdisiplinore, detyrave gjuhësore dhe ushtrimeve të tjera. “Wider World” përgatit nxënësit për të ardhmen e tyre, me aftësitë e gjithanshme, të nevojshme për të shijuar jetën e tyre shoqërore, për të avancuar studimet e tyre dhe për të pasur sukses në karrierën e tyre.

Për klasat 10, 11, 12 “Dukagjini” dhe “Pearson” sjellin “FOCUS”, edicione këto në bashkëpunim me BBC, të cilat janë të organizuara në njësi tematike, secila e përqendruar rreth temave tërheqëse, që janë të rëndësishme për jetën dhe interesat e nxënësve. Këto njësi ofrojnë një gamë të larmishme aktivitetesh dhe ushtrimesh, që synojnë zgjerimin e fjalorit, përvetësimin e gramatikës dhe përmirësimin e shqiptimit.

Shtëpia botuese “Dukagjini”  është gjithmonë në kërkim të lehtësimit të metodave për mësimdhënie, por edhe inovacionit, duke sjellë në vazhdimësi risi në Kosovë dhe duke e bërë mësimdhënien dhe mësimnxënien më të dashur si për mësuesit/et ashtu dhe nxënësit/et.