Johnson dhe Zelensky diskutojnë në telefon për dy shtetasit britanikë, që u kapën nga rusët në Ukrainë

Kryeministri britanik Boris Johnson dhe presidenti ukrainas Volodymyr Zelensky, kanë zhvilluar një bisedë telefonike sot, ku diskutuan për qytetarët britanikë që janë zënë nga rusët në Ukrainë.

Gjatë kësaj bisede, kryeministri britanik foli në detaje për dy britanikët që u kapën në Ukrainë, transmeton Telegrafi.

Bëhet fjalë për Aiden Aslin, 28-vjeç dhe Shaun Pinner, 48, që u zunë nga forcat ruse derisa po luftonin përkrah ukrainasve.

Ata janë dënuar me vdekje nga separatistët pro-rusë, pavarësisht që Aslin ka apeluar vendimin.

Lexo po ashtu Turqia po mban dhe po heton anijen ruse që dyshohet se po transporton grurin e vjedhur ukrainas

Në anën tjetër nga Londra kanë bërë të ditur se kjo çështje është diskutuar sot, duke mos dhënë informacione më të hollësishme.

Dy liderët diskutuan është për gjendjen aktuale në Ukrainë, dhe pajisjet ushtarake britanike që do të dërgohen javëve të ardhshme në Ukrainë.

Britania është një prej shteteve që nga fillimi i pushtimit rus në Ukrainë, ka dhënë kontribut jashtëzakonisht të madh për ta ndihmuar popullin ukrainas – duke u dërguar armë të ndryshme për t’u mbrojtur nga agresioni rus. /Telegrafi/