Joey King thotë se çdo grua duhet të rruajë kokën të paktën një herë

Joey King e ka rruar kokën jo një herë, jo dy herë, por tre herë të ndryshme për rolet e kaluara – dhe ajo i tha Allure se “do ta bënte absolutisht përsëri”.

“Mendoj se çdo grua duhet [të rruaj kokën] të paktën një herë në jetë”, tha ylli i “Kissing Booth”.

“Kurrë nuk jam ndjerë më e lirë apo më shumë në harmoni me bukurinë time. Nuk mund të fshihesha pas flokëve të mi”.

Aktorja e “Bullet Train”, 22 vjeç, e gjeti veten në shënjestër të komenteve përqeshëse kur hoqi flokët e saj të gjata për punë.

Lexo po ashtu Demi Moore nuk pranon t'i shkurtojë më flokët: Nuk kam asgjë për të vërtetuar

“Shumë njerëz më talleshin kur e rruajta kokën. Shumë njerëz thanë gjëra vërtet të këqija. Por kur kisha flokë të shkurtër, në fakt ndihesha më e sigurt. U ndjeva shumë e fuqishme”, tha King.

“Njerëzve u pëlqen të futen në punët e njerëzve të tjerë kur kjo nuk ka rëndësi. Unë që kam një kokë të rruar për një projekt ju shqetëson vërtet kaq shumë? Unë jam mirë”.

Lexo po ashtu Modelja do të marr dëmshpërblim mbi 230 mijë euro, shkak prerja e keqe e flokëve

Ndjenjat e King-ut i bëjnë jehonë atyre që ajo ndau ekskluzivisht me Page Six në premierën e vitit 2019 të “The Act” të Hulu-së, për të cilën ajo rruajti kokën për të luajtur Gypsy Rose Blanchard.

“Mendoj se me të vërtetë më bëri një grua më të fortë”, tha ajo për prerjen e saj në ekran. “Mendoj se çdo vajzë duhet të rruajë kokën nëse i jepet mundësia. Është me të vërtetë fuqizuese. Mund të mos jetë një opinion popullor, por ndihem sikur më bëri të përqafoj më shumë natyrën time femërore”. /Telegrafi/