Gjatë kësaj jave vendi ynë do të ndikohet me mot të ndryshueshëm, vranësira të shoqëruara me riga shiu, por nuk do të mungojnë as periudhat me diell dhe ngritja e temperaturave.
Të hënën do të mbretërojë mot kryesisht i vranët dhe vende-vende me riga shiu.
Temperaturat minimale do të lëvizin ndërmjet 5-8 gradë Celsius, ndërsa maksimalet 15-18 gradë Celsius. Do të fryjë erë nga jugperëndimi me shpejtësi 1-7 metër për sekondë.
Mot i ngjashëm do të mbretërojë edhe ditën e martë. Temperaturat minimale do të lëvizin ndërmjet 6-8 gradë Celsius, ndërsa maksimalet e ditës 16-20 gradë Celsius. Do të fryjë erë nga jugperëndimi me shpejtësi 1-5 metër për sekondë.
Ditën e mërkurë do të mbajë mot i vranët dhe me intervale diellore, vranësirat vende-vende mund të sjellin riga të dobëta shiu. Temperaturat minimale do të lëvizin ndërmjet 5-8 gradë Celsius, ndërsa maksimalet 20-24 gradë Celsius. Do të fryjë erë nga drejtimi i juglindjes me shpejtësi 1-4 metër për sekondë.
Mot me diell dhe pjesërisht i vranët do të mbretërojë ditën e enjte. Temperaturat minimale do të lëvizin ndërmjet 7-10 gradë Celsius, ndërsa maksimalet 20-24 gradë Celsius. Do të fryjë erë kryesisht nga jugperëndimi e lehtë deri mesatare.
Të premten do të mbretërojë mot me diell dhe vranësira të shpërndara. Vranësirat vende-vende mund të sjellin riga shiu. Temperaturat minimale do të lëvizin ndërmjet 6-8 gradë Celsius, ndërsa maksimalet 15-20 gradë Celsius. Do të fryjë erë nga jugperëndimi me shpejtësi 1-4 metër për sekondë. /Telegrafi/
