Kryeparlamentari i dikurshëm i Kosovës, tash kryetar i Këshillit Kombëtar të Nismës Socialdemokrate, Jakup Krasniqi, ka komentuar përplasjet e fundit në mes zyrtarëve të partisë së tij dhe atyre të Lëvizjes Vetëvendosje, pas vendimit të PZAP që të dërgojë në rinumërim shumicën e vendvotimeve dhe largimin nga rezultati përfundimtar i zgjedhjeve në zgjedhjet e 6 tetorit votat e votuesve jashtë Kosovës të ardhura nga Serbia.
Krasniqi, përmes një postimi në Facebook, ka thënë se “ne Socialdemokratet ekzistimin në opozitë nuk e kemi problem, qafën nuk ia afrojmë askujt. Qëndrimi vertikal, është tradita e jona! E kaluara është dëshmi”.
“Kur në vitin 2004, pas zgjedhjeve PDK-ja mbeti në opozitë, Kryetarit e Kryesisë u vinte vështirë e sidomos, vështire i vinte Kryetarit i cili hulumtonte një mënyrë për të hyrë në qeveri. Në një mbledhje të Kryesisë u pata thënë: Duhet ta harrojmë mundësinë e hyrjes në koalicion qeverisës. Le të përgatitëm për tre dimra të qëndrimit në opozitë. Dhe vërtetë qemë pajtuar me atë fakt dhe në Kuvend opozitarizmin e pata udhëhequr unë si Kryetar i GP të PDK-së”, ka shkruar Krasniqi.
Postimi i plotë i Krasniqit:
“KËSHILLEN QË IA DHASH PARTISË FITUESE NË ZGJEDHJET E VITIT 2007!
Kur në vitin 2004, pas zgjedhjeve PDK-ja mbeti në opozitë, Kryetarit e Kryesisë u vinte vështirë e sidomos, vështire i vinte Kryetarit i cili hulumtonte një mënyrë për të hyrë në qeveri. Në një mbledhje të Kryesisë u pata thënë: Duhet ta harrojmë mundësinë e hyrjes në koalicion qeverisës. Le të përgatitëm për tre dimra të qëndrimit në opozitë. Dhe vërtetë qemë pajtuar me atë fakt dhe në Kuvend opozitarizmin e pata udhëhequr unë si Kryetar i GP të PDK-së. Sesi e kam udhëhequr opozitën secili njeri që donë të lexoi i gjen në librin: Reflektime Demokratike, botim i SHB “Buzuku”, Prishtinë 2017.
Kur në fund të vitit 2007 PDK doli partia e parë, pasi u zyrtarizua rezultati final, ne një mbledhje të KD të partisë, anëtarëve të KD dhe të zgjedhurve për deputet ju pata thënë:
Gjatë qëndrimit në opozitë, kemi qenë zë opozitar dhe më të drejtë kemi ngritur zërin për të gjitha problemet që i kishte Kosova. Por, ajo që duhet ta kuptojmë tani, u thash, është: Në Kuvend më nuk jemi opozitar. Gjuha që e kemi përdorur si opozitar, në rrethanat e reja nuk mund ta përdorim. Përgjegjësia për secilin nga në ka ndryshuar. Gjuha e jonë e komunikimit duhet të jetë krejt tjetër, për faktin se përgjegjësia e jonë do të jetë krejt ndryshe. Nëse deri dje gjuha e jonë ishte opozitare dhe kishte për qellim adresimin për anëtaret e simpatizantët e PDK-së, tani përgjegjësia e jonë është për të gjithë qytetarët e Kosovës. Shteti është i të gjithëve dhe nuk jemi shtet-parti. Pra përgjegjësia e jonë si parti në drejtimin e qeverisë duhet të jetë krejt tjetër.
Në tri vitet e para jam i bindur se janë bërë punë të mira, sidomos në ligjbërje. Vërejtja ime në fund të legjislaturës së parë të Pavarësisë ishte pse nuk u patëm dhënë në shumë raste përgjeg jësi institucionale njerëzve kompetent, por kjo nuk u dëgjua dhe në legjislaturën e dytë gjendja në dhënien e përgjegjësive u përkeqësua. Institucionet e shtetit nuk mund të përfaqësohen e as të drejtohen nga njerëzit që nuk e kanë asnjë përvojë institucionale.
Shkurt: Gjuha që përdor partia politike duke qenë në opozitë, nuk mund të përdorët duke qenë para një qeverisje të mundshme apo në qeverisje. Të qeverisurit nuk behet me gjuhën e sharjeve të opozitarizmit e as me metodat e zjarrëvënieve, por me gjuhën e të qeverisurit me e për gjithë kombin (qytetarët), duke i pranuar edhe goditjet nga opozita, kur edhe ajo përdor armët që i ke përdorur duke qenë në opozitë. Për të mos ndodhur kjo, është mirë që drejtuesit e lartë të LVV-së t’i marrin punët më shtruar e më me gjakftohtësi e përgjegjësi. Qeverisja e mirë, është e mirë për çdo qytetar.
Përndryshe, ne Socialdemokratet ekzistimin në opozitë nuk e kemi problem, qafën nuk ia afrojmë askujt. Qëndrimi vertikal, është tradita e jona! E kaluara është dëshmi”, ka shkruar Krasniqi. /Telegrafi/
Nga Galeria Shopping Mall
Nga Super Viva
Nga Prishtina Ticket
Nga Edil Project
Lufta Prigozhin - Putin
Më shumë
Me inteligjencën artificiale 'jetësohen' figurat historike shqiptare
Vogel: Për sa kohë BE-ja dhe SHBA-ja e 'ledhatojnë Vuçiqin', Kosova do të jetë në rrezik
Sarajeva e para, Prishtina qyteti 15-të me ajrin më të ndotur në botë
Hoxha skeptik për formimin e qeverisë nga Albin Kurti pas zgjedhjeve të 9 shkurtit, i duhet koalicioni
Ekspertët e sigurisë: Shtimi i forcave ndërkombëtare, reagim ndaj destabilizimit të mundshëm nga Serbia
Zgjedhjet në Kosovë: Kush voton e kush jo dhe pse ka rëndësi?
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Gjesti habit me deklaratën: Nëse kam aq shumë fansa, atëherë po ia fus gjumit dhe po e fitoj Big Brother-in
Pas Lojërave Olimpike, hakohen edhe faqet e Bloomberg në Facebook dhe Instagram - publikohet fotografia e Gjestit
Me inteligjencën artificiale 'jetësohen' figurat historike shqiptare
Real Madridi po ia rrëmben Barcelonës top shënjestrën nga dora
Trump deklaroi se Spanja është pjesë e BRICS, reagon qeveria spanjolle
Përfundon dueli i nëntë golave: Nga turpërimi, kalon në ngadhënjim - çfarë Barcelone!