Ja pse nuk duhet të merrni me qira një super-veturë

Pa marrë parasysh se sa shumë kujdeseni për një veturë të tillë, vozitja e saj mund t’ju kushtojë më shumë se sa parashikoni.

Në mënyrë që të shpërblejnë vetën, njerëzit kursejnë gjatë që të marrin me qira një veturë të shtrenjtë kur shkojnë në pushim, për një rast të veçantë siç është ceremonia e martesës, apo thjeshtë që të duken ‘cool’ së paku për një ditë, transmeton Telegrafi.

Por janë disa gjëra që duhet pasur parasysh, kur drejtoheni tek kompanitë që japin këto vetura për përdorim.

Këto vetura janë shumë të shpejta dhe shoferët pa përvojë, apo ata që nuk janë mësuar me shpejtësi të tillë, mund të bëjnë ndeshje që në kilometrat e parë.

Dëmtimi i veturës prej gërvishtjes deri te bllokimi i përgjithshëm, duhet të paguhet nga klienti, pasi në të shumtën e rasteve kjo nuk kompensohet nga kompanitë e sigurimit.

Në ndeshje duhet të konsiderohet edhe lëndimi i shoferit dhe udhëtarëve të tjerë, që mund të jetë i lehtë, por nuk përjashtohet as fataliteti.

Në anën tjetër, këto vetura janë në shënjestër të plaçkitësve të cilët mund të vihen pas dhe ta vjedhin, e klientit i duhet të kalojë nëpër probleme të mëdha.

Megjithëse janë komode, sa jeni ju komod në një veturë super luksoze me një enterier të lëmuar?

Duhet të bëni kujdes të shtuar, që të mos rrëzoni ndonjë pije, ushqim apo diçka tjetër që do të dëmtonte pjesën e brendshme, e cila paguhet nga xhepi i klientit.

Prej 1,000 deri në 50,000 euro, janë kompensimet që do të duhet të paguaj personi që e ka marrë veturën me qira, varësisht nga dëmi që i ka bërë. /Telegrafi/