Ish-ylli i Ligës Premier la futbollin për t’u bërë polic dhe tani është kapiten i ekipit të policisë

Ish-sulmuesi i Ligës Premier, Tommy Wright ka pasur një ndryshim dramatik që nga pensionimi – duke ndërruar dhomat e zhveshjes me qelitë.

Ish-sulmuesi i Leicester City dhe Barnsley erdhi nga akademia e Foxes dhe krijoi një rol të rëndësishëm për veten e tij në ekipin e parë. Ai vazhdoi të kishte një karrierë në nivelet e ulëta të futbollit anglez, por megjithatë arriti të grumbullojë mbi 350 paraqitje dhe 66 gola për klubet e tij të ndryshme.

Ai vari këpucët e tij në vitin 2016 me ekipin Corby Town dhe ka zgjedhur të ndjekë një rrugë paksa të ndryshme me karrierën e tij duke u bërë oficer në Policinë e Leicestershire.

Wright u bë një i preferuar i tifozëve në kohën e tij me Leicester – një gol i paharrueshëm fitues kundër Nottingham Forest në vitin 2003, duke hyrë në historinë e klubit. Duke folur për The Mirror, ish-sulmuesi tha: “Disa njerëz e kanë kuptuar qartë se kam luajtur për Leicester. Më kanë thënë edhe në paraburgim, gjë që ishte shumë qesharake”.

“Një i dënuar kishte një maskë me Leicester Cityn në të dhe më bëri menjëherë një përshtypje. Dhe pastaj një tjetër kishte po ashtu flamurin e Nottingham Forest, kështu që ai tha: ‘Unë do t’i tregoj atij për golin tuaj kundër nesh’ (tifozit kundërshtar)”.

“Ne patëm pak shaka kur ishte e përshtatshme, gjë që mendoj se mund të ndihmojë në situata të tensionuara si kjo. Ju shikoni pamjen fillestare në fytyrën e tyre kur ata vërejnë dhe bëjnë një shaka të shpejtë përpara se t’i kthehen çështjes”.

Duket se Wright ishte i përshtatshëm për të qenë oficer policie që nga fillimi me të dhëna që ishin parë gjatë gjithë karrierës së tij të lojës. Ai filloi në programin arsimor të Mansfield Town përpara se të largohej për t’u bashkuar me policinë pasi gruaja e tij vuri re një konkurs rekrutimi.

“Unë kam qenë gjithmonë i mirë në trajtimin e situatave armiqësore për shkak të lojës para mijëra tifozëve në atmosfera të nxehta”, shtoi Wright. “Dhe kur zënkat shpërthyen në tunele kur luaja, unë do të isha gjithmonë paçebërësi edhe në atë kohë”.

Shefi i policisë së Leicestershire, Simon Cole, u pajtua me atë ndjenjë pasi lavdëroi ish-yllin e Foxes. Ai tha: “Tommy është një shembull vërtet i mirë i një djaloshi vendas që dëshiron të rivendosë diçka”.

“Ai është mësuar të jetë në një ekip, është mësuar me disiplinat e stërvitjes, është mësuar të mësojë gjëra të reja. Këto janë një bazë vërtet e mirë aftësish për t’u bërë oficer policie.”

Ndërsa karriera e Wright ka marrë një kthesë dramatike pasi ka ndërruar fanellën e Leicesterit me një uniformë policie, ai është ende i përfshirë në lojë me një kapacitet mbresëlënës.

Tashmë 38-vjeçari u emërua së fundmi si kapiten i ekipit kombëtar të policisë britanike. /Telegrafi/