Ish-futbollisti që e la karrierën profesioniste për t’u bërë luftëtar në UFC tani po shpartallon kundërshtarët

Ylli i MMA-së, Christian Eckerlin mposhti kundërshtarin e tij për të vulosur luftën e tij të ëndrrave në stadiumin e Eintracht Frankfurt.

Eckerlin luajti kundër gjermanëve fitues të Kupës së Botës si Bastian Schweinsteiger dhe Mats Hummels në nivelin e të rinjve.

Por, ai la pas një karrierë futbolli profesionist në divizionin e tretë në moshën 21 vjeçare për t’u fokusuar në MMA.

Tani ai është një nga luftëtarët më të mirë të Gjermanisë dhe siguroi fitoren më të madhe të karrierës së tij kundër Miroslav Broz në vendlindjen e tij në Frankfurt.

Eckerlin dominoi plotësisht Brozin në raundin hapës të ngjarjes kryesore Oktagon 57.

Dhe në të dytën, ai e mbylli shfaqjen me një goditje brutale që e la Brozin të zhytur në gjak.

Çatia e Festhalle Frankfurt pothuajse u shemb ndërsa tifozët vendas u çmendën për futbollistin e kthyer në luftëtar.

Dhe kjo është vetëm një shenjë e gjërave që do të vijnë pas njoftimit se Eckerlin do të shfaqet në Oktagon më 12 tetor në një përballje gjithëgjermane.

Ai do të duelojë kundër Christian Jungwirth në stadiumin 58,000 vendesh të Frankfurtit pas fitores së tij ndaj Broz.

Eckerlin nuk mundi kurrë të luajë në Frankfurtin e tij të dashur si lojtar – por në vend të kësaj ai do të zhvillojë luftën e tij të ëndrrave atje.

Ai tha për SunSport në Frankfurt: “Për mua, është një ëndërr e madhe e realizuar. Unë kam qenë një futbollist dhe gjithmonë kam dashur të luaj për Eintracht Frankfurt në stadium. Mendoj se ndeshjen e parë që pashë, isha gjashtë vjeç”.

“Ëndrra ime më e madhe ishte të luaja për Eintracht dhe tani mund të luftoj atje. Kjo do të thotë gjithçka për mua”, ka shtuar më tej Eckerlin. /Telegrafi/