Ish-e fejuara Jennifer Grey pohon se Depp ishte jashtëzakonisht xheloz dhe paranoik

Ylli i filmit “Dirty Dancing”, Jennifer Grey, ka kujtuar marrëdhënien turbulente me ish-të fejuarin Johnny Depp.

Në memoaret me titull “Out of the Corner”, ajo ka rrëfyer se menaxheri i saj e kishte njoftuar me hamshorin hollivudian në vitin 1989, ndërsa ai i kishte propozuar martesë pas dy javësh.

“Johnny vinte çdo javë në Vancouver. Megjithatë, ai hynte në telashe gjithnjë e më shpesh: zihej nëpër lokale, kishte përplasje me policinë…”, ka shkruar aktorja.

Lexo po ashtu “Buzë të fryra dhe mavijosje në sy”, pamje tronditëse që tregojnë se Amber Heard ka ushtruar dhunë ndaj Johnny Depp?

Asokohe aktori kishte filluar t’i humbte fluturimet për në Los Angeles për shkak të gjumit të tepërt, gjë që i shkaktoi edhe probleme biznesi.

"Around the time I got the role of Edward {Scissorhands], my engagement to Jennifer [Grey] ended amicably. Jennifer was looking for a stable relationship, & I had started to spiral out of control career wise, so we decided to go our separate ways." #JohnnyDepp pic.twitter.com/oKwpPipBsE

— The Right Side of the Roaring Rapids (@roaringrapids22) December 31, 2021

“Ishte jashtëzakonisht xheloz dhe paranoik, sepse mendonte se po e tradhtoja. Mendova se sjellja e tij e pafytyrë ishte rezultat i problemeve me xhirimet e serialit ‘21 Jump Street’. Ai donte të largohej nga projekti, por nuk ishte e mundur”, ka shpjeguar Grey.

Lexo po ashtu “Nuk isha më unë” - Jennifer Grey pranon pendesën për ndërhyrjen e hundës që prishi karrierën e saj në Hollywood dhe tregon se si miqtë nuk e njohën në publik

Jennifer ka pohuar se e ndërpreu fejesën pak para ditëlindjes së 29-të, pasi ai nuk i përgjigjej telefonatave të saj.

Kujtojmë që Depp është kryetemë në Hollywood për shkak të një tjetër procesi gjyqësor me ish-bashkëshorten Amber Heard, të cilën e ka paditur për shpifje. /Telegrafi/