Ish-drejtori i CIA-s: Hamasi duhet të shkatërrohet, nuk bën negociata

Ish-drejtori i CIA-së, David Petreaus në një intervistë për Euronews Albania ka folur në lidhje me luftën Izrael-Palestinë që filloi më 7 tetor, ku ka marrë qindra jetë njerëzish, mes tyre dhe fëmijë.

Ai theksoi se Hamas duhet të shkatërrohet ndërsa shtoi se Izraeli duhet të dalë me një plan pas lufte.

Petreaus e cilësoi Hama sis një grup që nuk është në gjendje të bëjë negociata e as të pajtohet.

Lexo po ashtu Çfarë tha Netanyahu në postimin që e fshiu më pas, ku fajësoi inteligjencën izraelite për sulmin e Hamasit?

“Ajo që duket e qartë është se shpërqendrimi nga Hamas pasi Izraeli i kishte krijuar kushtet me forcë ajrore dhe me drone, duhet të shkonin shtëpi më shtëpi në përpjekje për të shkatërruar një armik. Unë bie dakord me lidershipin e Izraelit se Hamas duhet të shkatërrohet. Ky është një grup ekstremist, nuk janë në gjendje për të bërë negociata e as për t’u pajtuar. Ata duhet të shkatërrohen”, ka theksuar ai.

“Izraeli ka diçka të tillë për qëllim. Megjithatë unë mendoj se do ishte mirë nëse Izraeli do të shpallte planin postë konfliktit në mënyrë që duhet të marrë nën kontroll qeverisjen e Gazës. Kjo luftë ka marrë jetë njerëzish të pafajshëm”, potencoi Petreaus.

Ndryshe, Hamasi është një grup militant islamik palestinez që sundon Rripin e Gazës, që kur mori pushtetin në vitin 2007.

Lexo po ashtu Paralajmërimi i radhës i Iranit: Veprimet e Izraelit në Gaza 'mund t'i detyrojnë të gjithë' të veprojnë

Hamasi në tërësi, ose në disa raste krahu i tij ushtarak, cilësohet si grup terrorist nga Izraeli, Shtetet e Bashkuara, Bashkimi Evropian dhe Britania e Madhe, si dhe fuqi të tjera. Hamasi mbështetet nga Irani, i cili e financon atë dhe ofron armë dhe trajnime. /Euronews/