Isco: Dua të qëndroj te Reali edhe për shumë e shumë vite

Lojtari i Real Madridit, Isco shpreson të qëndrojë në klubin mbretëror për një kohë shumë të gjatë, pavarësisht se nuk ka rinovuar ende kontratën e tij, e cila skadon vitin e ardhshëm.

Marrëveshja e 25-vjeçarit në Bernabeu skadon në qershor të vitit 2018 dhe ai ende nuk ka vënë të zezën mbi të bardhë në kontratën e re.

Lexo po ashtu Isco me kontratë të re te Reali dhe klauzolë marramendëse

Por, mesfushori magjik spanjoll ka përsëritur disa herë dëshirën e tij për ta bërë këtë dhe për të qëndruar sa më gjatë te Reali.

“Dua të qëndroj në Madrid për një kohë shumë të gjatë – për shumë vite”, ka thënë fillimisht Isco për Cadena Ser.

Lexo po ashtu Real Madridi gati kontratat e reja për gjashtë lojtarë, klubi mbretëror vazhdon politikën fantastike udhëheqëse (Foto)

“Gjithmonë kam dashur të jem i suksesshëm në Madrid, madje edhe gjatë atyre kohërave kur nuk po luaja aq”.

“Kam qenë i vendosur që nuk do të heq dorë dhe kështu që unë jam tani – ndihem i rëndësishëm tani dhe ndihem shumë rehat, kështu që tani dua të vazhdoj në këtë mënyrë si për Madridin ashtu edhe për Spanjën”, përfundoi spanjolli.

Isco, dikur ish-lojtar i Vanelcias dhe Malagas, ka shënuar 33 gola në 191 paraqitje për Los Blancos. /Telegrafi/