Iraniania e quajtur si ‘Zombie Angelina Jolie’ tregon fytyrën e vërtetë dhe i habit të gjithë

Sahar Tabar, një iraniane e cila e tronditi publikun disa vite më parë me pamjen e saj, nga e cila e mori edhe pseudonimin ‘Zombie Angelina Jolie’.

Asokohe si 17 vjeçare, ajo e kishte operuar fytyrën për t’u dukur si aktorja e famshme hollivudiane.

Ajo u kishte thënë ndjekësve të saj se ka bërë rreth 50 operacione për të qenë sa më e ngjashme me bukuroshen e njohur.

Tabar u arrestua në tetor të vitit 2019 me akuzën për blasfemi, nxitje të të rinjve në dhunë, përvetësim të paligjshëm të pronës dhe shkelje të kodit të veshjes.

Megjithatë, ajo u lirua pas 14 muajsh pas protestave të gjera në vend, të shkaktuara nga vdekja e Mahsa Amini në muajin e kaluar.

Iraniania tash ka treguar se si duket në të vërtetë. Ajo ka thënë se iu është nënshtruar disa procedurave kozmetike, si operacioni i hundës, mbushja e buzëve dhe liposuksioni, por theksoi se fotografitë “drithëruese” janë rezultat i grimit dhe editimit në Photoshop.

“Ajo që patë në Instagram ishin efektet kompjuterike që përdora për të krijuar imazhin”, citohet të ketë thënë për mediat shtetërore, siç raportohet nga Independent.

Pas daljes nga burgu, Sahar njoftoi se nuk do t’i përdorte më rrjetet sociale. /Telegrafi/