IPKO shpërblen anëtarët e faqes zyrtare në Facebook

Kompania telekomunikuese IPKO së fundmi po i kushton një rëndësi të veçantë përdoruesve të saj në rrjetin më të madh social në botë, Facebook.com.

Nuk ka asnjë dyshim se Facebook po shndërrohet në njërën prej kanaleve të rëndësishme të komunikimit, si për përdoruesit individual ashtu edhe për bizneset vendore, ndërsa IPKO vazhdon të jetë njëra ndër kompanitë e cila është ndër të parat që adapton format e reja të komunikimit me konsumatorët e saj.

Gjatë ditës së sotme, në profilet e disa përdoruesve në Facebook është postuar një reklamë e re e cila nuk duket të jetë parë në mediat tjera tradicionale.

Në këtë reklamë thuhet se kësaj radhe IPKO shpërblen vetëm anëtarët e saj të cilët janë pjesë e faqes zyrtare në www.facebook.com/IPKO.Rrethiyt, ndërsa të gjithë ata që postojnë fotografi, statuse, ose video interesante do të fitojnë minuta falas brenda rrjetit IPKO, ndërsa dy prej tyre do të fitojnë edhe telefona mobil Nokia.

Sipas njoftimit zyrtar në faqen e IPKO’s në Facebook, thuhet se në këtë lojë e cila ka filluar sot dhe mbaron më 1 prill, fitues do të jenë ata që marrin më së shumti Likes nga miqtë apo të afërmit e tyre. / Telegrafi /