Inzaghi zbulon se si reagoi ndaj befasisë taktike të Piolit

Simone Inzaghi përgëzon Interin për dominimin absolut të Derby della Madonnina dhe mposhtjen e Milanit dy herë në tre javë, duke zbuluar se si reagoi ndaj befasisë taktike të Stefano Piolit.

Kjo nuk ishte aq dominante sa fitorja 3-0 në Superkupën e Italisë në Riad muajin e kaluar, por gjithsesi një paraqitje shumë e fortë me pothuajse asnjë rrezik për Andre Onanën.

“Ishte pa dyshim një paraqitje e shkëlqyer, i përgëzova djemtë. Ata ishin të vendosur, të përqendruar, ne dominuam absolutisht dhe fitimi i derbit dy herë në 20 ditë ishte diçka që donim ta ndajmë me tifozët tanë”, deklaroi Inzaghi për DAZN.

Lexo po ashtu Derby della Madonnina i takon Interit - vazhdon forma e mjerueshme e Milanit

“Tani shikojmë përpara me besim, kemi kthyer Lukakun dhe Brozovicin pas katër muajsh, pavarësisht se na munguan, ne arritëm në fazën eliminatore në Ligën e Kampionëve, gjysmëfinalen e Kupës së Italisë dhe jemi të dytët në Serie A”.

Milani befasoi shumë njerëz duke ndryshuar në një formacion 3-5-2 që pasqyronte në mënyrë efektive Interin, duke lënë Rafael Leaon në stol.

“Të jem i sinqertë, u fol për disa ditë se Milani mund t’i ndryshonte gjërat, kështu që unë u përqendrova te skuadra ime dhe forma jonë. Ne luajtëm shumë mirë kundër Atalantës të martën, i ritheksova skuadrës se gjithçka varej nga ajo që bëmë dhe si i qasëm”, potencoi Inzaghi.

Lexo po ashtu Notat e lojtarëve: Inter 1-0 Milan, veçohet paraqitja e Lautaros

Lautaro Martinez shënoi me kokë nga harkimi prej Hakan Calhanoglut, por topi ishte gjithashtu në rrjetë dy herë të tjera, me Romelu Lukakun të penalizuar për një shtytje ndaj Malick Thiaw dhe Lautaro kur shënoi për ca centimetra jashtë loje.

Fitorja e konsolidoi pozitën e tyre në vendin e dytë, megjithëse ende 13 pikë larg liderit Napolit, por tani ata janë gjashtë pikë përpara rivalit të tyre Milanit. /Telegrafi/