Pas futjes së trupave izraelite, përkatësisht këmbësorisë në zemër të qytetit të Gazës, kanë filluar të publikojnë pamje nga aksionet e tyre.
Në postimin e fundit, IDF-ja izraelite ka njoftuar se ka hedhur në erë tunelet nëntokësore, që militantët e Hamasit i përdornin për t’u fshehur por edhe për të sulmuar ushtrinë izraelite, transmeton Telegrafi.
Zëdhënësi i IDF-së, Daniel Hagari ka shpërndarë pamjet duke thënë se inxhinierët e ushtrisë izraelite kanë shkatërruar infrastrukturën e Hamasit – duke hedhur në erë me eksplozivë hyrjet e tuneleve.
Siq mund të shihet në pamjet e publikuara më poshtë, ata i kishin kamufluar mirë këto tunele me qëllim që të mos vëreheshin as nga civilët.
E Hamasi sipas vlerësimeve të inteligjencës izraelite ka një rrjet të madh të tuneleve nëntokësore, nga ku kryejnë sulme mbi ushtrinë izraelite. /Telegrafi/
