Interi po përgatitet për një tjetër transferim të madh me parametra zero

Interi është bërë një nga skuadrat kryesore në Evropë që transferon futbollistët me parametra zero.

Marcus Thuram, Mehdi Taremi, Piotr Zielinski, Hakan Calhanoglu, Henrikh Mikhtaryan e disa të tjerë janë vetëm disa nga emrat që i janë bashkuar Neroazzurëve si transferime të lira.

Lista e lojtarëve që erdhën falas në Inter këto vite është mjaft e gjerë dhe nën drejtimin e Beppe Marottas, kampionët e Italisë kanë ditur si të lëvizin paraprakisht drejt ardhjeve të afërta.

Ashtu siç bëri në kohën e tij te Juventusi në Torino, Marotta po përgaitet për një transferim të ri me parametra zero.

SportMediaset raporton se kreu i Nerazzurrëve ka zbuluar dëshirën e tij të radhës. Bëhet fjalë për portierin italianAlex Meret.

27 – vjeçari, nuk do të vazhdoj kontratën me Napolin dhe në fund të këtij sezoni pritet të largohet si i lirë.

Reprezentuesi italian është dëshira kryesore e Interit, pasi te zikaltrit atë e shohin si zëvendësuesin adekuat të Yann Sommer i cili në dhjetor mbush 36 vjeç. /Telegrafi/