Lojtarët e Interit u lëkundën në debutimin e tyre në Kupën e Botës për Klube, duke barazuar 1:1 ndaj skuadrës meksikane Monterrey.
Nënkampioni i Evropës ishte favorit absolut, por Monterrey, e udhëhequr nga kapiteni veteran Sergio Ramos, bëri një paraqitje mbresëlënëse dhe arriti të marrë një pikë me meritë.
Ishte pikërisht Ramos, në moshën 39-vjeçare, që kaloi ekipin e tij në avantazh në minutën e 25-të, me një gol me kokë pas një goditjeje nga këndi.
Interi reagoi para pushimit. Në minutën e 42-të, Lautaro Martinez barazoi rezultatin pas një aksioni të bukur, me asist nga Carlos Augusto.
Në pjesën e dytë, të dyja ekipet patën mundësi të mira për të fituar. Monterrey iu afrua golit në minutën e 64-të, kur Sergio Canales goditi shtyllën.
Nga ana tjetër, Interi humbi një rast të artë me Lautaro Martinezin, i cili dështoi nga vetëm shtatë metra në minutën e 77-të.
Takimi përfundoi 1:1, dhe Sergio Ramos u shpall lojtari më i mirë i ndeshjes.
Në raundin e dytë, Interi do të përballet me Urawan, ndërsa Monterrey me River Plate, që më parë kishte mundur Urawan 3:1. /Telegrafi/
