Dy skuadrat me rivalitetin më të madh në Itali padyshim se janë Juventus dhe Inter.
Këto dy ekipe nuk janë rivale vetëm në fushën e lojës apo vetëm tifozët në tribuna.
Ky rivalitet ka vazhduar edhe në tregun e transferimeve me dy skuadrat që shpesh herë synojnë ta dëmtojnë njëra tjetrën duke i marrë objektivat.
Kampionët e Italisë ditë më parë prezantuan ish-mbrojtësin e Interit, Joao Cancelo, por nuk ka vonuar përgjigja e skuadrës nga Milano.
Mesfushori argjentinas, Leandro Paredes duket se do ta vesh fanellën zi kaltër.
Leandro Paredes. (Getty Images)
Agjenti i lojtarit i ka ofruar Paredesin Interit para Juventusit dhe kjo i ka gëzuar tej mase zi kaltërtit.
Spalletti e njeh lojtarin pasi me të ka punuar edhe tek Roma dhe po tenton transferimin e tij.
Inter është e gatshme të ofrojë 30 milionë euro te Zeniti për ta transferuar argjentinasin në Serie A.
Paredes ishte objektiv madhor i Juventusit në tri vitet e fundit, por Zonja e Vjetër nuk arriti dot ta transferonte në Torino.
Zyrtarizimi i këtij transferimi pritet të ndodhë gjatë javës së ardhshme, ndërsa Paredes do të nënshkruajë kontratë katër vjeçare me Interin. /Telegrafi/
