Interi është më afër marrëveshjes për Frattesin pas takimit pozitiv me Sassuolon

Interi po shtyn të bëjë një lëvizje për mesfushorin e Sassuolos, Davide Frattesi, duke dashur të mposht konkurrencën nga Roma dhe Juventusi.

23-vjeçari italian është i destinuar të largohet nga klubi Neroverdi këtë verë pas një periudhe mbresëlënëse gjashtëvjeçare në Reggio-Emilia.

I kërkuar nga një sërë klubesh si në Itali ashtu edhe jashtë saj, Frattesi është tashmë një nga pikat më të nxehta të afatit kalimtar të verës.

Lexo po ashtu Interi i bashkohet Romës dhe Juventusit në garë për Frattesin

Roma dhe Juventusi të dy i kanë vënë sytë te Frattesi për një kohë, por tani po përballen me konkurrencë serioze nga Interi, i cili u takua me drejtorët e Sassuolos të martën në mbrëmje.

Gianluca Di Marzio detajon se ka shkuar mirë darka mes përfaqësuesve të Interit dhe Sassuolos, me dy klubet që kanë një marrëdhënie të shkëlqyer pune.

#Calciomercato | @Inter, è andata molto bene la cena con il @SassuoloUS per #Frattesi: c’è anche #Mulattieri all’interno dell’operazione https://t.co/YPdd2FTxaO

— Gianluca Di Marzio (@DiMarzio) June 14, 2023

Bisedimet ishin pozitive dhe tani mund t’i çojnë Nerazzurrët në përshpejtimin e përpjekjeve të tyre për të siguruar nënshkrimin e Frattesit.

Mesfushori italian i ka dhënë tashmë dritën jeshile një lëvizjeje te skuadra e Simone Inzaghit, i cili mund të ketë nevojë të gjenerojë disa burime përmes një shitjeje përpara se të tërheqë këmbëzën për një marrëveshje. /Telegrafi/