Inspektorati asgjëson produkte ushqimore në disa biznese në veri, shkak afatet e skaduara – I’a pezullon punën disa të tjerave

Gjatë ditës së sotme, inspektorati komunal i Mitrovicës Veriore në bashkëpunim me inspektoratin sanitar në kuadër të Ministrisë së Shëndetësisë, kanë realizuar kontrolla rutinore në disa lokacione ku po zhvillohej aktiviteti i gastronomisë në veri të Mitrovicës.

Gjatë inspektimeve janë identifikuar biznese që kanë zhvilluar aktivitetin e gastronomisë pa siguruar kushtet elementare higjienike, shkruan Telegrafi.

Thuhet se në disa nga lokacione është bërë asgjësimi i produkteve ushqimore për shkak të afateve të skaduara si dhe në mungesë të dokumentacionit për prejardhjen e produkteve ushqimore.

Në njoftim bëhet e ditur se inspektime rutinore janë realizuar edhe në kuzhinën e spitalit të qytetit, ku gjatë vizitës është takuar edhe përgjegjësi i spitalit, i cili ka njoftuar për mënyrën e funksionimit të kuzhinës, ku i njëjti u zotua se do të siguroj të gjithë dokumentacionin e nevojshëm sipas kërkesës së inspektorëve.

Më tej, thuhet se në disa nga lokacionet e inspektuara, i është pezulluar aktiviteti i punës deri në përmirësimin e kushteve të punës sipas sugjerimeve të inspektoratit.

“Qeverisja lokale në Komunën e Mitrovicës Veriore, është e përkushtuar maksimalisht për përmirësimin e jetës së qytetarëve”, thuhet në njoftim. /Telegrafi/