Igli Tare tregon ushqimin tradicional që e ka për zemër

Igli Tare është një prej shqiptarëve më të suksesshëm në botën e futbollit italian.

Ish-reprezentuesi shqiptar aktualisht është drejtor sportiv i skuadrës së Lazios, aty ku e ka përfunduar edhe karrierën prej futbollistit në vitin 2008.

Por, Igli Tare në një intervistë për mediat kosovare ka zbuluar disa të pathëna rreth jetës private, transmeton Telegrafi.

Ndër të tjerash ka treguar se për rregullin dhe pastërtinë në shtëpi kujdeset edhe ai, ndërsa në përgatitjen e ushqimit nuk ka dhunti.

“Rregull dhe pastërtinë e dua shumë. Këtë nuk e kam problem ta bëjë. Sa i përket gatimit, nuk kam asnjë lloj dhuntie, këtë ia kam lëndë dikujt tjetër. Nuk kam ndonjë ushqim të preferuar, i ha të gjitha specialitetet që bëhen në Itali. Por, prej ushqimit tradicional e dua ‘Patlëgjanin’, një lloje tave që gatuhet në Tiranë. Këtë ia kam mësuar ta përgatisë edhe bashkëshortes”, ka thënë Igli Tare në një intervistë për 1 kafe prej shpisë të RTV 21.

Theksojmë se Tare është 43-vjeçar dhe prej vitit 2008 jeton në kryeqytetin italian Romë me bashkëshorten. /Telegrafi/