Elseid Hysaj ka shënuar golin e parë me fanellën e Napolit, i cili është gjithashtu edhe goli i tij i parë në Serie A.
Zhvillohej minuta e 8-të, ku shkodrani i befasoi të gjithë, teksa me një gjuajtje fantastike nga afër zonës, e dërgoi topin në cepin e portës së Andrea Consiglit.
Ky gol i dha avantazhin skuadrës së Napolit në përballje me Sassuolon.
1:0 - ⚽️8' Hysaj E. (Napoli ) #NapoliSassuolo pic.twitter.com/8Mk0qDOC1m
— MCHAWMAR (@MCHAWMAR1) July 25, 2020
Hysaj për këtë gola ka pritur gjatë, pothuajse gjashtë vite.
Kujtojmë që shqiptari është pjesë e skuadrës së kaltër nga sezoni 2015-2016.
Festa e Insigne dhe Di Lorenzo me Elseid Hysajn (Foto: Francesco Pecoraro/Getty Images)
Ai më herët u aktivizua një sezon edhe me skuadrën e Empolit në elitën e futbollit italian. /Telegrafi/
